ಪರಕಾಯೇ ಕ್ರಿಯಾಪತ್ತಿಃ

ಕಲ್ಪಿತೈವ ಪ್ರಕಾಶತೇ |

ರಜ್ಜೌ ಭುಜಂಗವದ್ ಯಸ್ಮಾತ್

ಕ್ರಿಯಾನಿಷ್ಪತ್ತಿಮಾನಯಮ್ || 19-29

#ಜ್ಞಾನಿನಾಂ ಯಾನಿ ಕರ್ಮಾಣಿ

ತಾನಿ ನೋ ಜನ್ಮ ಹೇತವಃ |

ಅಗ್ನಿದಗ್ಧಾನಿ ಬೀಜಾನಿ

ಯಥಾ ನಾಂಕುರ ಕಾರಣಮ್ || 19-30

ಕರ್ಮಣಾ ಕಿಂ ಕೃತೇನಾಪಿ

ಜ್ಞಾನಿನೋ ನಿರಹಂಕೃತೇಃ |

ವಿಕ್ರಿಯಾ ಪ್ರತಿ ಬಿಂಬಸ್ಥಾ

ಕಿಂ ಕರೋತಿ ಹಿಮದ್ಯುತೇಃ || 19-31

#ಚಂದ್ರಸ್ಯ ಮೇಘ ಸಂಬಂಧಾದ್

ಯಥಾ ಗಮನ ಕಲ್ಪನಾ |

ತಥಾ ದೇಹಸ್ಯ ಸಂಬಂಧಾತ್

ಆರೋಪ್ಯಾ ಸ್ಯಾತ್ ಕ್ರಿಯಾತ್ಮನಃ||19-32

ಜ್ಞಾನೀ ಕರ್ಮ ನಿರೂಢೋಪಿ

ಲಿಪ್ಯತೇ ನ ಕ್ರಿಯಾಫಲೈಃ |

ಘೃತಾದಿನಾ ಯಥಾ ಜಿಹ್ವಾ

ಭೋಕ್ತ್ರೀ ಚಾಪಿ ನ ಲಿಪ್ಯತೇ || 19-33

#ನಿರಸ್ತೋಪಾಧಿ ಸಂಬಂಧೇ

ಜೀವೇ ಯಾ ಯಾ ಕ್ರಿಯಾ ಸ್ಥಿತಿಃ |

ಸಾ ಸಾ ಪ್ರತೀತಿ ಮಾತ್ರೇಣ

ನಿಷ್ಫಲಾ ಚಾತ್ರ ಲೀಯತೇ || 19-34

ಗಚ್ಛನ್ಸ್ತಿಷ್ಠನ್ ಸ್ವಪನ್ ವಾಪಿ

ನ ನಿಷ್ಕರ್ಮಾಸ್ತಿ ಕಶ್ಚನ |

ಸ್ವಭಾವೋ ದೇಹಿನಾಂ ಕರ್ಮ

ಜ್ಞಾನಿನಾಂ ತತ್ತು ನಿಷ್ಫಲಮ್ || 19-35

#ಪರಿಪೂರ್ಣಮಹಾನಂದ-

ಭಾವಿನಃ ಶುದ್ಧ ಚೇತಸಃ |

ನ ಭವೇತ್ ಕರ್ಮ ಕಾರ್ಪಣ್ಯಮ್

ನಾನಾ ಭೋಗ ಫಲಪ್ರದಮ್ || 19-36

ಭಾವಃ ಪ್ರತೀಯಮಾನೋಪಿ

ಪರಕಾಯೇ ತು ಕಲ್ಪಿತಃ |

ಶುಕ್ತೌ ರಜತವದ್ ಯಸ್ಮಾದ್

ಭಾವ ನಿಷ್ಪತ್ತಿ ಮಾನಯಮ್ || 19-37

#ಭಾವೇನ ನಾಸ್ತಿ ಸಂಬಂಧಃ

ಕೇವಲ ಜ್ಞಾನ ಯೋಗಿನಃ |

ತಥಾಪಿ ಭಾವಂ ಕುರ್ವಿತ

ಶಿವೇ ಸಂಸಾರ ಮೋಚಕೇ ||38

ಪರಿಪೂರ್ಣ ಪ್ರಬೋಧೇಪಿ

ಭಾವಂ ಶಂಭೌ ನ ವರ್ಜಯೇತ್ |

ಭಾವೋ ಹಿ ನಿಹಿತಸ್ತಸ್ಮಿನ್

ಭವಸಾಗರ ತಾರಕಃ ||39

#ನಿವತ್ರ್ಯ ಜನ್ಮ ಜಂ ದುಃಖಮ್

ಭಾವಃ ಶೈವೋ ನಿವರ್ತತೇ |

ಯಥಾ ಕಾಷ್ಠಾದಿಕಂ ದಗ್ಧ್ವಾ

ಸ್ವಯಂ ಶಾಮ್ಯತಿ ಪಾವಕಃ ||40

#ಪ್ರಕಾಶಿತೇ ಶಿವಾನಂದೇ

ತದ್ಭಾವೈಃ ಕಿಂ ಪ್ರಯೋಜನಮ್ |

ಸಿದ್ಧೇ ಸಾಧ್ಯೇ ಚಿರೇಣಾಪಿ

ಸಾಧನೈಃ ಕಿಂ ಪ್ರಯೋಜನಮ್ |41

ಏಕೀಕೃತೇ ಶಿವೇ ಭಾವೇ

ಜ್ಞಾನೇನ ಸಹ ಸಂಯಮೀ |

ವಿಸ್ಮಿತಾತ್ಮ ಸಮಾವೇಶಃ

ಶಿವಭಾವೇ ವಿಭಾಸತೇ ||42

#ನ ಭಾವೇನ ವಿನಾ ಜ್ಞಾನಮ್

ನ ಭಾವೋ ಜ್ಞಾನಮಂತರಾ |

ಮೋಕ್ಷಾಯ ಕಾರಣಂ ಪ್ರೋಕ್ತಮ್

ತಸ್ಮಾದುಭಯಮಾಶ್ರಯೇತ್ ||43

ಇತಿ #ಭಾವನಿಷ್ಪತ್ತಿಸ್ಥಲಂ

ಅಥ #ಜ್ಞಾನನಿಷ್ಪತ್ತಿಸ್ಥಲಮ್

ಜ್ಞಾನಸ್ಯ ವ್ಯವಹಾರೇಪಿ

ಜ್ಞೇಯಾಭಾವಾತ್ ಸ್ವಭಾವತಃ |

ಸ್ವಪ್ನವಜ್ಜ್ಞಾನನಿಷ್ಪತ್ಯಾ

ಜ್ಞಾನನಿಷ್ಪನ್ನ ಇತ್ಯ ಸೌ ||44

#ಸ್ವಪ್ನ ಜಾತಂ ಯಥಾ ಜ್ಞಾನಮ್

ಸಹ ಸ್ವಾರ್ಥೆರ್ನಿವರ್ತತೇ |

ತಥಾತ್ಮನಿ ಪ್ರಕಾಶೇ ತು

ಜ್ಞಾನಂ ಜ್ಞೇಯಂ ನಿವರ್ತತೇ ||45

ಪರಿಪೂರ್ಣೆ ಮಹಾನಂದೇ

ಪರಮಾಕಾಶಲಕ್ಷಣೇ |

ಶಿವೇ ವಿಲೀನ ಚಿತ್ತಸ್ಯ

ಕುತೋ ಜ್ಞೇಯಾಂತರೇ ಕಥಾ |46

#ಅಖಂಡಾನಂದ ಸಂವಿತ್ತಿ-

ಸ್ವರೂಪಂ ಬ್ರಹ್ಮ ಕೇವಲಮ್ |

ಮಿಥ್ಯಾ ತದನ್ಯದಿತ್ಯೇಷಾ

ಸ್ಥಿತಿರ್ಜ್ಞಾನ ಮಿಹೋಚ್ಯತೇ ||19-47

ಸತ್ತಾತ್ಮನಾನು ವೃತ್ತಂಯದ್

ಘಟಾದಿಷು ಪರಂ ಹಿ ತತ್ |

ವ್ಯಾವರ್ತಮಾನಾ ಮಿಥ್ಯೇತಿ

ಸ್ಥಿತಿರ್ಜ್ಞಾನ ಮಿಹೋಚ್ಯತೇ ||48

#ಅಕಾರಣ ಮಕಾರ್ಯಂ ಯತ್

ಅಶೇಷೋಪಾಧಿವರ್ಜಿತಮ್ |

ತದ್ಬ್ರಹ್ಮ ತದಹಂ ಚೇತಿ

ನಿಷ್ಠಾ ಜ್ಞಾನ ಮುದೀರ್ಯತೇ |49

ಜ್ಞಾತಾಪ್ಯಹಂ ಜ್ಞೇಯಮಿದಮ್

ಇತಿ ವ್ಯವಹೃತಿಃ ಕುತಃ |

ಅಭೇದ ಬ್ರಹ್ಮ ಸ್ವಾರಸ್ಯೇ

ನಿರಸ್ತಾಖಿಲ ವಸ್ತುನಿ ||50

ಯಥಾ ಪಿಂಡಸ್ಥ ಆಕಾಶ-

ಸ್ತಥಾತ್ಮಾ ಪೂರ್ಣ ಉಚ್ಯತೇ |

ಏತದರ್ಥ ವಿವೇಕೋ ಯಃ

ಪಿಂಡಾಕಾಶ ಸ್ಥಲಂ ವಿದುಃ|| 19-51

#ಘಟೋಪಾಧಿರ್ಯಥಾಕಾಶಃ

ಪರಿಪೂರ್ಣಃ ಸ್ವರೂಪತಃ |

ತಥಾ ಪಿಂಡಸ್ಥಿತೋ ಹ್ಯಾತ್ಮಾ

ಪರಿಪೂರ್ಣಃ ಪ್ರಕಾಶತೇ || 19-52

ಅಂತಃಸ್ಥಿತಂ ಪರಾಕಾಶಮ್

ಶಿವಮದ್ವೈತ ಲಕ್ಷಣಮ್ |

ಭಾವಯೇದ್ ಯಃ ಸುಮನಸಾ

ಪಿಂಡಾಕಾಶಃ ಸ ಉಚ್ಯತೇ || 19-53

#ಶಿವಾಗಾರಮಿದಂ ಪ್ರೋಕ್ತಮ್

ಶರೀರಂ ಬೋಧ ದೀಪಿತಮ್ |

ಷಟ್ತ್ರಿಂಶ ತ್ತತ್ತ್ವಘಟಿತಮ್

ಸುಮನಃ ಪದ್ಮಪೀಠಕಮ್ || 19-54

ಪರಾಕಾಶ ಸ್ವರೂಪೇಣ

ಪ್ರಕಾಶಃ ಪರಮೇಶ್ವರಃ |

ಹೃದಾಕಾಶ ಗುಹಾಲೀನೋ

ದೃಶ್ಯತೇಂತಃ ಶರೀರಿಣಾಮ್ || 19-55

#ಏತಚ್ಛಿವಪುರಂ ಪ್ರೋಕ್ತಮ್

ಸಪ್ತಧಾತು ಸಮಾವೃತಮ್ |

ಅತ್ರ ಹೃತ್ಪಂಕಜಂ ವೇಶ್ಮ

ಸೂಕ್ಷ್ಮಾಂಬರ ಮನೋಹರಮ್|| 19-56

ತತ್ರ ಸನ್ನಿಹಿತಂ ಸಾಕ್ಷಾತ್

ಸಚ್ಚಿದಾನಂದ ಲಕ್ಷಣಮ್ |

ನಿತ್ಯಸಿದ್ಧಃ ಪ್ರಕಾಶಾತ್ಮಾ

ಜಲಸ್ಥಾಕಾಶ ವಚ್ಛಿವಃ || 19-57

#ಅಂತರಾಕಾಶ ಬಿಂಬಸ್ಥಮ್

ಅಶೇಷೋಪಾಧಿ ವರ್ಜಿತಮ್ |

ಘಟಾಕಾಶ ಇವ ಚ್ಛಿನ್ನಮ್

ಭಾವಯೇಚ್ಚಿನ್ಮಯಂ ಶಿವಮ್ || 19-58