ಪಂಚದಶಃ ಪರಿಚ್ಛೇದಃ

ಭಕ್ತಸ್ಥಲಾಂತರ್ಗತ ನವವಿಧ ಲಿಂಗ ಸ್ಥಲ - ಪ್ರಸಂಗಃ -

ಅಥ ಭಕ್ತಸ್ಥಲಮ್

|| ಶ್ರೀ ರೇಣುಕ ಉವಾಚ ||

ಷಟ್ಸ್ಥಲೋಕ್ತ ಸದಾಚಾರ-

ಸಂಪನ್ನಸ್ಯ ಯಥಾ ಕ್ರಮಮ್ |

ಲಿಂಗ ಸ್ಥಲಾನಿ ಕಥ್ಯಂತೇ

ಜೀವನ್ ಮುಕ್ತಿ ಪರಾಣಿ ಚ || 15-1

|| ಅಗಸ್ತ್ಯ ಉವಾಚ ||

#ಭಕ್ತಾದ್ಯೆ ಕ್ಯಾ ವಸಾನಾನಿ

ಷಡುಕ್ತಾನಿ ಸ್ಥಲಾನಿ ಚ |

ಲಿಂಗಸ್ಥಲಾನಿ ಕಾನೀಹ

ಕಥ್ಯಂತೇ ಕತಿ ವಾ ಪುನಃ || 15-2

|| ಶ್ರೀ ರೇಣುಕ ಉವಾಚ ||

ಗುರ್ವಾದಿ ಜ್ಞಾನ ಶೂನ್ಯಾಂತಾಃ

ಭಕ್ತಾದಿ ಸ್ಥಲ ಸಂಶ್ರಿತಾಃ |

ಸ್ಥಲ ಭೇದಾಃ ಪ್ರಕೀತ್ರ್ಯಂತೇ

ಪಂಚಾಶತ್ಸಪ್ತ ಚಾಧುನಾ || 15-3

#ಆದೌ ನವಸ್ಥಲಾನೀಹ

ಭಕ್ತಸ್ಥಲ ಸಮಾಶ್ರಯಾತ್ |

ಕಥ್ಯಂತೇ ಗುಣಸಾರೇಣ

ನಾಮಾನ್ಯೇಷಾಂ ಪೃಥಕ್ ಶ್ರುಣು |15-4

ದೀಕ್ಷಾ ಗುರು ಸ್ಥಲಂ ಪೂರ್ವಮ್

ತತಃ ಶಿಕ್ಷಾ ಗುರು ಸ್ಥಲಮ್ |

ಪ್ರಜ್ಞಾ ಗುರು ಸ್ಥಲಂ ಚಾಥ

ಕ್ರಿಯಾ ಲಿಂಗ ಸ್ಥಲಂ ತತಃ || 15-5

#ಭಾವಲಿಂಗಸ್ಥಲಂ ಚಾಥ

ಜ್ಞಾನ ಲಿಂಗ ಸ್ಥಲಂ ತತಃ |

ಸ್ವಯಂ ಪರಂ ಚರಂ ಚೇತಿ

ತೇಷಾಂ ಲಕ್ಷ್ಮಣ ಮುಚ್ಯತೇ || 15-6

ಭಕ್ತಸ್ಥಲಮ್

ದೀಯತೇ ಪರಮಂ ಜ್ಞಾನಮ್

ಕ್ಷೀಯತೇ ಪಾಶ ಬಂಧನಮ್ |

ಯಯಾ ದೀಕ್ಷೇತಿ ಸಾ ತಸ್ಯಾಮ್

ಗುರುರ್ ದೀಕ್ಷಾ ಗುರುಃ ಸ್ಮೃತಃ || 15-7

#ಗುಣಾತೀತಂ ಗುಕಾರಂ ಚ

ರೂಪಾತೀತಂ ರು ಕಾರಕಮ್ |

ಗುಣಾತೀತ ಮರೂಪಂ ಚ

ಯೋ ದದ್ಯಾತ್ ಸ ಗುರುಃ ಸ್ಮೃತಃ || 15-8

ಆಚಿನೋತಿ ಚ ಶಾಸ್ತ್ರಾರ್ಥಾನ್

ಆಚಾರೇ ಸ್ಥಾಪಯತ್ಯಲಮ್ |

ಸ್ವಯಮಾಚರತೇ ಯಸ್ಮಾತ್

ಆಚಾರ್ಯಸ್ತೇನ ಚೋಚ್ಯತೇ || 15-9

#ಷಡಧ್ವಾತೀತ ಯೋಗೇನ

ಯತತೇ ಯಸ್ತು ದೇಶಿಕಃ |

ಮಾಯಾಬ್ಧಿ ತಾರಣೋಪಾಯ-

ಹೇತುರ್ ವಿಶ್ವಗುರುಃ ಶಿವಃ || 15-10

ಅಖಂಡಂ ಯೇನ ಚೈತನ್ಯಮ್

ವ್ಯಜ್ಯತೇ ಸರ್ವವಸ್ತುಷು |

ಆತ್ಮ ಯೋಗ ಪ್ರಭಾವೇನ

ಸ ಗುರುರ್ ವಿಶ್ವಭಾಸಕಃ || 15-11

ಇತಿ ದೀಕ್ಷಾಗುರುಸ್ಥಲಂ

--------------------

ಅಥ ಶಿಕ್ಷಾಗುರುಸ್ಥಲಮ್

ದೀಕ್ಷಾ ಗುರು ರಸೌ ಶಿಕ್ಷಾ-

ಹೇತುಃ ಶಿಷ್ಯಸ್ಯ ಬೋಧಕಃ |

ಪ್ರಶ್ನೋತ್ತರ ಪ್ರವಕ್ತಾ ಚ

ಶಿಕ್ಷಾ ಗುರು ರಿತೀರ್ಯತೇ || 15-12

#ಬೋಧಕೋಯಂ ಸಮಾಖ್ಯಾತೋ

ಬೋಧ್ಯಮೇತದಿತಿ ಸ್ಫುಟಮ್ |

ಶಿಷ್ಯೇ ನಿ ಯುಜ್ಯತೇ ಯೇನ

ಸ ಶಿಕ್ಷಾ ಗುರು ರುಚ್ಯತೇ || 15-13

ಸಂಸಾರ ತಿಮಿರೋನ್ಮಾಥಿ-

ಶರಚ್ಚಂದ್ರ ಮರೀಚಯಃ |

ವಾಚೋ ಯಸ್ಯ ಪ್ರವರ್ತಂತೇ

ತಮಾಚಾರ್ಯಂ ಪ್ರಚಕ್ಷತೇ || 15-14

#ದದಾತಿ ಯಃ ಪ್ರತಿ ಜ್ಞಾನಮ್

ಜಗನ್ಮಾಯಾ ನಿ ವರ್ತಕಮ್ |

ಅದ್ವೈತ ವಾಸನೋಪಾಯಮ್

ತಮಾಚಾರ್ಯ ವರಂ ವಿದುಃ || 15-15

ಪೂರ್ವ ಪಕ್ಷಂ ಸಮಾದಾಯ

ಜಗದ್ಭೇದ ವಿಕಲ್ಪನಮ್ |

ಅದ್ವೈತ ಕೃತ ಸಿದ್ಧಾಂತೋ

ಗುರುರೇಷ ಗುಣಾಧಿಕಃ || 15-16

#ಸಂದೇಹ ವನ ಸಂದೋಹ-

ಸಮುಚ್ಛೇದ ಕುಠಾರಿಕಾ |

ಯತ್ಸೂಕ್ತಿ ಧಾರಾ ವಿಮಲಾ

ಸ ಗುರೂಣಾಂ ಶಿಖಾಮಣಿಃ || 15-17

ಯತ್ಸೂಕ್ತಿ ದರ್ಪಣಾ ಭೋಗೇ

ನಿರ್ಮಲೇ ದೃಶ್ಯತೇ ಸದಾ |

ಮೋಕ್ಷ ಶ್ರೀರ್ ಬಿಂಬ ರೂಪೇಣ

ಸ ಗುರುರ್ ಭವತಾರಕಃ || 15-18

#ಶಿಷ್ಯಾಣಾಂ ಹೃದಯಾ ಲೇಖ್ಯಮ್

ಪ್ರದ್ಯೋತಯತಿ ಯಃ ಸ್ವಯಮ್ |

ಜ್ಞಾನ ದೀಪಿಕ ಯಾನೇನ

ಗುರುಣಾ ಕಃ ಸಮೋ ಭವೇತ್ || 15-19

ಪರಮಾದ್ವೈತ ವಿಜ್ಞಾನ

ಪರಮೌಷಧಿ ದಾನತಃ |

ಸಂಸಾರ ರೋಗ ನಿರ್ಮಾಥೀ

ದೇಶಿಕಃ ಕೇನ ಲಭ್ಯತೇ || 15-20

ಇತಿ ಶಿಕ್ಷಾ ಗುರು ಸ್ಥಲಂ

---------------------

ಅಥ (ಪ್ರಜ್ಞಾ) ಜ್ಞಾನಗುರುಸ್ಥಲಮ್

ಉಪದೇಷ್ಟೋ ಪದೇಶಾನಾಮ್

ಸಂಶಯ ಚ್ಛೇದ ಕಾರಕಃ |

ಸಮ್ಯಕ್ಜ್ಞಾನ ಪ್ರದಃ ಸಾಕ್ಷಾತ್

ಏಷ ಜ್ಞಾನ ಗುರುಃ ಸ್ಮೃತಃ || 15-21

#ನಿರಸ್ತ ವಿಶ್ವ ಸಂಭೇದಮ್

ನಿರ್ವಿಕಾರಂ ಚಿದಂಬರಮ್|

ಸಾಕ್ಷಾತ್ಕರೋತಿ ಯೋ ಯುಕ್ತ್ಯಾ

ಸ ಜ್ಞಾನ ಗುರು ರುಚ್ಯತೇ|| 15-22

ಕಲಂಕವಾನ ಸೌ ಚಂದ್ರಃ

ಕ್ಷಯವೃದ್ಧಿ ಪರಿಪ್ಲುತಃ |

ನಿಷ್ಕಲಂಕ ಸ್ಥಿತೋ ಜ್ಞಾನ-

ಚಂದ್ರಮಾ ನಿರ್ವಿಕಾರವಾನ್ || 15-23

#ಪಾಶ್ರ್ವಸ್ಥ ತಿಮಿರಂ ಹಂತಿ

ಪ್ರದೀಪೋ ಮಣಿ ನಿರ್ಮಿತಃ |

ಸರ್ವಗಾಮಿ ತಮೋ ಹಂತಿ

ಬೋಧದೀಪೋ ನಿರಂಕುಶಃ || 15-24

ಸರ್ವಾರ್ಥ ಸಾಧಕ ಜ್ಞಾನ-

ವಿಶೇಷಾದೇಶ ತತ್ಪರಃ |

ಜ್ಞಾನಾಚಾರ್ಯಃ ಸಮಸ್ತಾನಾಮ್

ಅನುಗ್ರಹಕರಃ ಶಿವಃ || 15-25

#ಕಟಾಕ್ಷ ಚಂದ್ರಮಾಯಸ್ಯ

ಜ್ಞಾನ ಸಾಗರ ವರ್ಧನಃ |

ಸಂಸಾರ ತಿಮಿರಚ್ಛೇದೀ

ಸ ಗುರುರ್ಜ್ಞಾನ ಪಾರಗಃ || 15-26

ಬಹಿಸ್ತಿಮಿರವಿಚ್ಛೇತ್ತಾ

ಭಾನುರೇಷ ಪ್ರಕೀರ್ತಿತಃ |

ಬಹಿರಂತ ಸ್ತಮಶ್ಛೇದೀ

ವಿಭುರ್ದೆಶಿಕ ಭಾಸ್ಕರಃ || 15-27

#ಕಟಾಕ್ಷ ಲೇಶ ಮಾತ್ರೇಣ

ವಿನಾ ಧ್ಯಾನಾದಿ ಕಲ್ಪನಮ್ |

ಶಿವತ್ವಂ ಭಾವಯೇದ್ಯತ್ರ

ಸ ವೇಧಃ ಶಾಂಭವೋ ಮತಃ || 15-28

ಶಿವ ವೇಧ ಕರೇ ಜ್ಞಾನೇ

ದತ್ತೇ ಯೇನ ಸು ನಿರ್ಮಲೇ |

ಜೀವನ್ಮುಕ್ತೋ ಭವೇಚ್ಛಿಷ್ಯಃ

ಸ ಗುರುರ್ ಜ್ಞಾನ ಸಾಗರಃ || 15-29

ಇತಿ (ಪ್ರಜ್ಞಾ) ಜ್ಞಾನಗುರುಸ್ಥಲಂ

----------------

ಅಥ ಕ್ರಿಯಾ ಲಿಂಗ ಸ್ಥಲಮ್

ಗುರೋರ್ ವಿಜ್ಞಾನ ಯೋಗೇನ

ಕ್ರಿಯಾ ಯತ್ರ ವಿಲೀಯತೇ |

ತತ್ಕ್ರಿಯಾ ಲಿಂಗಮಾಖ್ಯಾತಮ್

ಸರ್ವೆರಾಗಮ ಪಾರಗೈಃ || 15-30

#ಪರಾನಂದ ಚಿದಾಕಾರಮ್

ಪರಬ್ರಹ್ಮೈವ ಕೇವಲಮ್ |

ಲಿಂಗಂ ಸದ್ರೂಪ ತಾಪನ್ನಮ್

ಲಕ್ಷ್ಯತೇ ವಿಶ್ವಸಿದ್ಧಯೇ || 15-31

ಲಿಂಗ ಮೇವ ಪರಂ ಜ್ಯೋತಿಃ

ಭವತಿ ಬ್ರಹ್ಮ ಕೇವಲಮ್ |

ತಸ್ಮಾತ್ ತತ್ಪೂಜನಾ ದೇವ

ಸರ್ವ ಕರ್ಮ ಫಲೋದಯಃ || 15-32

#ಪರಿತ್ಯಜ್ಯ ಕ್ರಿಯಾಃ ಸರ್ವಾ

ಲಿಂಗ ಪೂಜೈಕ ತತ್ಪರಾಃ |

ವರ್ತಂತೇ ಯೋಗಿನಃ ಸರ್ವೆ

ತಸ್ಮಾಲ್ಲಿಂಗಂ ವಿಶಿಷ್ಯತೇ || 15-33

ಯಜ್ಞಾದಯಃ ಕ್ರಿಯಾಃ ಸರ್ವಾ

ಲಿಂಗ ಪೂಜಾಂಶ ಸಮ್ಮಿತಾಃ |

ಇತಿ ಯತ್ಪೂಜ್ಯತೇ ಸಿದ್ಧೈಃ

ತತ್ಕ್ರಿಯಾ ಲಿಂಗ ಮುಚ್ಯತೇ || 15-34

#ಕಿಂ ಯಜ್ಞೈ ರಗ್ನಿಹೋತ್ರಾದ್ಯೈಃ

ಕಿಂ ತಪೋಭಿಶ್ಚ ದುಶ್ಚರೈಃ |

ಲಿಂಗಾರ್ಚನ ರತಿರ್ಯಸ್ಯ

ಸ ಸಿದ್ಧಃ ಸರ್ವಕರ್ಮಸು || 15-35

ಬ್ರಹ್ಮವಿಷ್ಣ್ವಾದಯಃ ಸರ್ವೆ

ವಿಬುಧಾ ಲಿಂಗಮಾಶ್ರಿತಾಃ |

ಸಿದ್ಧಾಃ ಸ್ವಸ್ವಪದೇ ಭಾಂತಿ

ಜಗತ್ತಂತ್ರಾಧಿ ಕಾರಿಣಃ || 15-36

ಇತಿ ಕ್ರಿಯಾಲಿಂಗಸ್ಥಲಂ

---------------

ಅಥ ಭಾವಲಿಂಗಸ್ಥಲಮ್

ಕ್ರಿಯಾ ಯಥಾ ಲಯಂ ಪ್ರಾಪ್ತಾ

ತಥಾ ಭಾವೋಪಿ ಲೀಯತೇ |

ಯತ್ರ ತದ್ ದೇಶಿಕೈ ರುಕ್ತಮ್

ಭಾವ ಲಿಂಗ ಮಿತಿ ಸ್ಫುಟಮ್ || 15-37

#ಭಾವೇನ ಗೃಹ್ಯತೇ ದೇವೋ

ಭಗವಾನ್ ಪರಮಃ ಶಿವಃ |

ಕಿಂ ತೇನ ಕ್ರೀಯತೇ ತಸ್ಯ

ನಿತ್ಯಪೂರ್ಣೊ ಹಿ ಸ ಸ್ಮೃತಃ || 15-38

ಅಖಂಡ ಪರಮಾನಂದ-

ಬೋಧರೂಪಃ ಪರಃ ಶಿವಃ |

ಭಕ್ತಾನಾ ಮುಪಚಾರೇಣ

ಭಾವ ಯೋಗಾತ್ ಪ್ರಸೀದತಿ || 15-39

#ಮೃಚ್ಛಿಲಾ ವಿಹಿತಾಲ್ಲಿಂಗಾದ್

ಭಾವಲಿಂಗಂ ವಿಶಿಷ್ಯತೇ |

ನಿರಸ್ತ ಸರ್ವದೋಷತ್ವಾದ್

ಜ್ಞಾನಮಾರ್ಗ ಪ್ರವೇಶನಾತ್ || 15-40

ವಿಹಾಯ ಬಾಹ್ಯಲಿಂಗಾನಿ

ಚಿಲ್ಲಿಂಗಂ ಮನಸಿ ಸ್ಮರನ್ |

ಪೂಜಯೇದ್ ಭಾವ ಪುಷ್ಪೈರ್ಯೊ

ಭಾವಲಿಂಗೀತಿ ಕಥ್ಯತೇ || 15-41

#ಮೂಲಾಧಾರೇಥವಾ ಚಿತ್ತೇ

ಭ್ರೂಮಧ್ಯೇ ವಾ ಸು ನಿರ್ಮಲಮ್ |

ದೀಪಾಕಾರಂ ಯಜನ್ ಲಿಂಗಮ್

ಭಾವದ್ರವ್ಯೈಃ ಸ ಯೋಗವಾನ್ |15-42

ಸ್ವಾನುಭೂತಿ ಪ್ರಮಾಣೇನ

ಜ್ಯೋತಿರ್ಲಿಂಗೇನ ಸಂಯುತಃ |

ಶಿಲಾ ಮೃದ್ದಾರು ಸಂಭೂತಮ್

ನ ಲಿಂಗಂ ಪೂಜಯತ್ಯ ಸೌ ||15-43

#ಕ್ರಿಯಾರೂಪಾ ತು ಯಾ ಪೂಜಾ

ಸಾ ಜ್ಞೇಯಾ ಸ್ವಲ್ಪ ಸಂವಿದಾಮ್ |

ಅಂತರಾ ಭಾವಪೂಜಾ ತು

ಶಿವಸ್ಯ ಜ್ಞಾನಿ ನಾಂ ಮತಾ || 15-44

ಇತಿ ಭಾವ ಲಿಂಗ ಸ್ಥಲಂ

------------------------

ಅಥ ಜ್ಞಾನ ಲಿಂಗ ಸ್ಥಲಮ್

ತದ್ಭಾವ ಜ್ಞಾಪಕ ಜ್ಞಾನಮ್

ಲಯಂ ಯತ್ರ ಸಮಶ್ನುತೇ |

ತಜ್ಜಾ ಜ್ಞಾನ ಲಿಂಗ ಮಾಖ್ಯಾತಮ್

ಶಿವತತ್ತ್ವಾರ್ಥ ಕೋವಿದೈಃ || 15-45

#ತ್ರಿಮೂರ್ತಿ ಭೇದ ನಿರ್ಮುಕ್ತಮ್

ತ್ರಿಗುಣಾತೀತವೈಭವಮ್ |

ಬ್ರಹ್ಮ ಯದ್ ಬೋಧ್ಯತೇ ತತ್ತು

ಜ್ಞಾನಲಿಂಗ ಮುದಾಹೃತಮ್ || 15-46

ಸ್ಥೂಲೇ ಕ್ರಿಯಾ ಸಮಾಪತ್ತಿಃ

ಸೂಕ್ಷ್ಮೇ ಭಾವಸ್ಯ ಸಂಭವಃ |

ಸ್ಥೂಲ ಸೂಕ್ಷ್ಮ ಪದಾತೀತೇ

ಜ್ಞಾನಮೇವ ಪರಾತ್ಮನಿ || 15-47

#ಕಲ್ಪಿತಾನಿ ಹಿ ರೂಪಾಣಿ

ಸ್ಥೂಲಾನಿ ಪರಮಾತ್ಮನಃ |

ಸೂಕ್ಷ್ಮಾಣ್ಯಪಿ ಚ ತೈಃ ಕಿಂ ವಾ

ಪರಬೋಧಂ ಸಮಾಚರೇತ್ || 15-48

ಪರಾತ್ಪರಂ ತು ಯದ್ ಬ್ರಹ್ಮ

ಪರಮಾನಂದಲಕ್ಷಣಮ್ |

ಶಿವಾಖ್ಯಂ ಜ್ಞಾಯತೇ ಯೇನ

ಜ್ಞಾನಲಿಂಗೀತಿ ಕಥ್ಯತೇ || 15-49

#ಬಾಹ್ಯಕ್ರಿಯಾಂ ಪರಿತ್ಯಜ್ಯ

ಚಿಂತಾಮಪಿ ಚ ಮಾನಸೀಮ್ |

ಅಖಂಡಜ್ಞಾನರೂಪತ್ವಮ್

ಯೋ ಭಜೇನ್ಮುಕ್ತ ಏವ ಸಃ || 15-50

ಇತಿ ಜ್ಞಾನಲಿಂಗಸ್ಥಲಂ

--------------------------------

ಅಥ ಸ್ವಯಸ್ಥಲಮ್

ತದ್ಭಾವ ಜ್ಞಾಪಕ ಜ್ಞಾನಮ್

ಯತ್ರ ಜ್ಞಾನೇ ಲಯಂ ವ್ರಜೇತ್ |

ತದ್ವಾನೇಷ ಸಮಾಖ್ಯಾತಃ

ಸ್ವಾಭಿಧಾನೋ ಮನೀಷಿಭಿಃ || 15-51

#ಸ್ವಚ್ಛಂದಾಚಾರ ಸಂತುಷ್ಟೋ

ಜ್ಯೋತಿರ್ಲಿಂಗ ಪರಾಯಣಃ |

ಆತ್ಮಸ್ಥ ಸಕಲಾಕಾರಃ

ಸ್ವಾಭಿಧೋ ಮುನಿ ಸತ್ತಮಃ || 15-52

ನಿರ್ಮಮೋ ನಿರಹಂಕಾರೋ

ನಿರಸ್ತ ಕ್ಲೇಶ ಪಂಚಕಃ |

ಭಿಕ್ಷಾಶೀ ಸಮ ಬುದ್ಧಿಶ್ಚ

ಮುಕ್ತ ಪ್ರಾಯೋ ಮುನಿರ್ ಭವೇತ್||15-53

#ಯದೃಚ್ಛಾ ಲಾಭ ಸಂತುಷ್ಟೋ

ಭಸ್ಮನಿಷ್ಠೋ ಜಿತೇಂದ್ರಿಯಃ |

ಸಮ ವೃತ್ತಿರ್ ಭವೇದ್ ಯೋಗೀ

ಭಿಕ್ಷುಕೇ ವಾ ನೃಪೇಥವಾ || 15-54

ಪಶ್ಯನ್ ಸರ್ವಾಣಿ ಭೂತಾನಿ

ಸಂಸಾರ ಸ್ಥಾನಿ ಸರ್ವಶಃ |

ಸ್ಮಯಮಾನಃ ಪರಾನಂದೇ

ಲೀನಾತ್ಮಾ ವರ್ತತೇ ಸುಧೀಃ || 15-55

#ಧ್ಯಾನಂ ಶೈವಂ ತಥಾ ಜ್ಞಾನಮ್

ಭಿಕ್ಷಾ ಚೈಕಾಂತ ಶೀಲತಾ |

ಯತೇಶ್ಚತ್ವಾರಿ ಕರ್ಮಾಣಿ

ನ ಪಂಚಮ ಮಿಹೇಷ್ಯತೇ || 15-56

ಇತಿ ಸ್ವಯ ಸ್ಥಲಂ

----------------------

ಅಥ ಚರ ಸ್ಥಲಮ್

ಸ್ವರೂಪ ಜ್ಞಾನ ಸಂಪನ್ನೋ

ಧ್ವಸ್ತಾಹಂ ಮಮತಾ ಕೃತಿಃ |

ಸ್ವಯಮೇವ ಸ್ವಯಂ ಭೂತ್ವಾ

ಚರತೀತಿ ಚರಾಭಿಧಃ || 15-57

#ಕಾಮ ಕ್ರೋಧಾದಿ ನಿರ್ಮುಕ್ತಃ

ಶಾಂತಿ ದಾಂತಿ ಸಮನ್ವಿತಃ |

ಸಮ ಬುದ್ಧ್ಯಾ ಚರೇದ್ ಯೋಗೀ

ಸರ್ವತ್ರ ಶಿವ ಬುದ್ಧಿಮಾನ್ || 15-58

ಇದಂ ಮುಖ್ಯ ಮಿದಂ ಹೀನಮ್

ಇತಿ ಚಿಂತಾಮಕಲ್ಪಯನ್ |

ಸರ್ವತ್ರ ಸಂಚರೇದ್ ಯೋಗೀ

ಸರ್ವಂ ಬ್ರಹ್ಮೇತಿ ಭಾವಯನ್ || 15-59

#ನ ಸನ್ಮಾನೇಷು ಸಂಪ್ರೀತಿಮ್

ನಾವಮಾನೇಷು ಚ ವ್ಯಥಾಮ್ |

ಕುರ್ವಾಣಃ ಸಂಚರೇದ್ ಯೋಗೀ

ಕೂಟಸ್ಥೇ ಸ್ವಾತ್ಮನಿ ಸ್ಥಿತಃ || 15-60

ಅಪ್ರಾಕೃತೈರ್ಗುಣೈಃ ಸ್ವೀಯೈಃ

ಸರ್ವಂ ವಿಸ್ಮಾಪಯನ್ ಜನಮ್ |

ಅದ್ವೈತ ಪರಮಾನಂದ-

ಮುದಿತೋ ದೇಹಿವಚ್ಚರೇತ್ || 15-61

#ನ ಪ್ರಪಂಚೇ ನಿಜೇ ದೇಹೇ

ನ ಧರ್ಮೆ ನ ಚ ದುಷ್ಕೃತೇ |

ಗತವೈಷಮ್ಯ ಧೀರ್ಧಿರೋ

ಯತಿಶ್ಚರತಿ ದೇಹಿವತ್ || 15-62

ಪ್ರಾಕೃತೈಶ್ವರ್ಯ ಸಂಪತ್ತಿ-

ಪರಾಙ್ಮುಖ ಮನಃ ಸ್ಥಿತಿಃ |

ಚಿದಾನಂದ ನಿಜಾತ್ಮಸ್ಥೋ

ಮೋದತೇ ಮುನಿಪುಂಗವಃ || 15-63

ಇತಿ ಚರಸ್ಥಲಂ

-------------------

ಅಥ ಪರಸ್ಥಲಮ್

ಸ್ವಯಮೇವ ಸ್ವಯಂ ಭೂತ್ವಾ

ಚರತಃ ಸ್ವಸ್ವರೂಪತಃ |

ಪರಂ ನಾಸ್ತೀತಿ ಬೋಧಸ್ಯ

ಪರತ್ವ ಮ ಭಿಧೀಯತೇ || 15-64

#ಸ್ವತಂತ್ರಃ ಸರ್ವ ಕೃತ್ಯೇಷು

ಸ್ವಂ ಪರತ್ವೇನ ಭಾವಿತಃ |

ತೃಣೀ ಕುರ್ವನ್ ಜಗಜ್ಜಾಲಮ್

ವರ್ತತೇ ಶಿವಯೋಗಿರಾಟ್ || 15-65

ವರ್ಣಾಶ್ರಮ ಸಮಾಚಾರ-

ಮಾರ್ಗ ನಿಷ್ಠಾ ಪರಾಙ್ಮುಖಃ |

ಸರ್ವೊತ್ಕೃಷ್ಟಂ ಸ್ವಮಾತ್ಮಾನಮ್

ಪಶ್ಯನ್ ಯೋಗೀ ತು ಮೋದತೇ 15-66

#ವಿಶ್ವಾತೀತಂ ಪರಂ ಬ್ರಹ್ಮ

ಶಿವಾಖ್ಯಂ ಚಿತ್ಸ್ವರೂಪಕಮ್ |

ತದೇವಾಹ ಮಿತಿ ಜ್ಞಾನೀ

ಸರ್ವೊತ್ಕೃಷ್ಟಃ ಸ ಉಚ್ಯತೇ || 15-67

ಅಚಲಂ ಧ್ರುವಮಾತ್ಮಾನಮ್

ಅನುಪಶ್ಯನ್ನಿರಂತರಮ್ |

ನಿರಸ್ತವಿಶ್ವವಿಭ್ರಾಂತಿಃ

ಜೀವನ್ಮುಕ್ತೋ ಭವೇನ್ಮುನಿಃ || 15-68

#ಬ್ರಹ್ಮಾದ್ಯಾಃ ಕಿಂ ನು ಕುರ್ವಂತಿ

ದೇವತಾಃ ಕರ್ಮ ಮಾರ್ಗಗಾಃ |

ಕರ್ಮಾತೀತ ಪದಸ್ಥಸ್ಯ

ಸ್ವಯಂ ಬ್ರಹ್ಮ ಸ್ವರೂಪಿಣಃ || 15-69

ಸ್ವೇಚ್ಛಯಾ ಸಂಚರೇದ್ ಯೋಗೀ

ವಿಮುಂಚನ್ ದೇಹ ಮಾನಿತಾಮ್ |

ದರ್ಶನೈಃ ಸ್ಪರ್ಶನೈಃ ಸರ್ವಾನ್

ಅಜ್ಞಾನಪಿ ವಿಮೋಚಯೇತ್ || 15-70

#ನಿತ್ಯೇ ನಿರ್ಮಲ ಭಾವನೇ ನಿರುಪಮೇ

ನಿರ್ಧೂತ ವಿಶ್ವ ಭ್ರಮೇ

ಸತ್ತಾನಂದ ಚಿದಾತ್ಮಕೇ ಪರಶಿವೇ

ಸಾಮ್ಯಂ ಗತಃ ಸಂಯಮೀ|

ಪ್ರಧ್ವಸ್ತಾಶ್ರಮ ವರ್ಣ ಧರ್ಮ ನಿಗಲಃ

ಸ್ವಚ್ಛಂದ ಸಂಚಾರ ವಾನ್

ದೇಹೀವಾದ್ಭುತ ವೈಭವೋ

ವಿಜಯತೇ ಜೀವನ್ವಿಮುಕ್ತಃ ಸುಧೀಃ || 15-71

ಇತಿ ಪರಸ್ಥಲಮ್ ಪರಿಸಮಾಪ್ತಂ

ಓಂ ತತ್ಸತ್ ಇತಿ

ಶ್ರೀ ಶಿವಗೀತೇಷು ಸಿದ್ಧಾಂತಾಗಮೇಷು

ಶಿವಾದ್ವೈತ ವಿದ್ಯಾಯಾಂ ಶಿವಯೋಗ ಶಾಸ್ತ್ರೇ

ಶ್ರೀ ರೇಣುಕಾಗಸ್ತ್ಯ ಸಂವಾದೇ ವೀರಶೈವ ಧರ್ಮ ನಿರ್ಣಯೇ

ಶ್ರೀ ಶಿವಯೋಗಿ ಶಿವಾಚಾರ್ಯ ವಿರಚಿತೇ

ಶ್ರೀ ಸಿದ್ಧಾಂತ ಶಿಖಾಮಣೌ ಭಕ್ತ ಸ್ಥಲಾಂತರ್ಗತ ಲಿಂಗಸ್ಥಲೇ

ದೀಕ್ಷಾ ಗುರು ಸ್ಥಲಾದಿ ನವವಿಧ ಸ್ಥಲ ಪ್ರಸಂಗೋ ನಾಮ

ಪಂಚದಶಃ ಪರಿಚ್ಛೇದಃ ||

ಇಲ್ಲಿಗೆ ಪರಸ್ಥಲವು ಮುಗಿಯಿತು ಓಂ ತತ್ಸತ್ ಇಲ್ಲಿಗೆ ಶ್ರೀ ಶಿವನಿಂದ ಉಪದೇಶಿಸಲ್ಪಟ್ಟ ಶ್ರೀ ಸಿದ್ಧಾಂತಾಗಮಗಳಲ್ಲಿಯ ಶಿವಾದ್ವೈತವಿದ್ಯಾರೂಪವೂ, ಶಿವಯೋಗಶಾಸ್ತ್ರವೂ, ಶ್ರೀ ರೇಣುಕಾಗಸ್ತ್ಯಸಂವಾದರೂಪವೂ. ಶ್ರೀ ವೀರಶೈವಧರ್ಮನಿರ್ಣಯವೂ ಆದ ಶ್ರೀ ಸಿದ್ಧಾಂತಶಿಖಾಮಣಿಯಲ್ಲಿ ಭಕ್ತಸ್ಥಲದಲ್ಲಿಯ ಲಿಂಗಸ್ಥಲದಲ್ಲಿಯ ದೀಕ್ಷಾಗುರುಸ್ಥಲಾದಿ ಒಂಭತ್ತು ವಿಧ ಸ್ಥಲ ಪ್ರಸಂಗವೆಂಬ ಹೆಸರಿನ ಹದಿನೈದನೆಯ ಪರಿಚ್ಛೇದವು ಮುಗಿದುದು