ಕದಾಚಿ ದಥ ಕೈಲಾಸೇ|

ಕಲಧೌತ ಶಿಲಾಮಯೇ |

ಗಂಧರ್ವ ವಾಮ ನಯನಾ-

ಕ್ರೀಡಾ ಮೌಕ್ತಿಕ ದರ್ಪಣೇ|| 3-1

ಮಂದಾರ ವಕುಲಾ ಶೋಕ-

ಮಾಕಂದ ಪ್ರಾಯ ಭೂರುಹೇ |

ಮಲ್ಲೀ ಮರಂದ ನಿಷ್ಯಂದ –

ಪಾನಪೀನ ಮಧುವ್ರತೇ || 3-2

ಕುಂಕುಮ ಸ್ತಬಕಾ ಮೋದ-

ಕೂಲಂಕ ಷಹರಿ ನ್ಮುಖೇ |

ಕಲಕಂಠ ಕುಲಾ-ಲಾಪ –

ಕಂದಲದ್ರಾಗ ಬಂಧುರೇ || 3-3

ಕಿನ್ನರೀ ಗೀತ ಮಾಧುರ್ಯ-

ಪರಿವಾಹಿತ ಗಹ್ವರೇ |

ಸಾನಂದ ವರ ಯೋಗೀಂದ್ರ-

ವೃಂದಾಲಂಕೃತ ಕಂದರೇ || 3-4

ಹೇಮಾರವಿಂದ ಕಲಿಕಾ-

ಸುಗಂಧಿ ರಸ ಮಾನಸೇ |

ಶಾತ ಕುಂಭ ಮಯ ಸ್ತಂಭ-

ಶತೋತ್ತುಂಗ ವಿರಾಜಿತೇ || 3-5

ಮಾಣಿಕ್ಯ ದೀಪ ಕಲಿಕಾ-

ಮರೀಚಿ ದ್ಯೋತಿ ತಾಂತರೇ |

ದ್ವಾರ ತೋರಣ ಸಂರೂಢ-

ಶಂಖ ಪದ್ಮ ನಿಧಿ ದ್ವಯೇ || 3-6

ಮುಕ್ತಾ ತಾರ ಕಿತೋ ದಾರ –

ವಿತಾನಾಂಬರ ಮಂಡಿತೇ |

ಸ್ಪರ್ಶ ಲಕ್ಷಿತ ವೈಡೂರ್ಯ-

ಮಯ ಭಿತ್ತಿ ಪರಂಪರೇ || 3-7

ಸಂಚರ ತ್ಪ್ರಮಥ ಶ್ರೇಣೀ –

ಪದವಾಚಾಲ ನೂಪುರೇ |

ಪ್ರವಾಲ ವಲಭೀ ಶೃಂಗ –

ಶೃಂಗಾರ ಮಣಿ ಮಂಟಪೇ || 3-8

ಇತಿ ಕೈಲಾಸ ವರ್ಣನಂ

ಸಿಂಹಾಸನಾಸೀನ ಪರಮೇಶ್ವರ ವರ್ಣನಮ್

ವಂದಾರು ದೇವ ಮುಕುಟ-

ಮಂದಾರ ರಸ ವಾಸಿತಮ್ |

ರತ್ನ ಸಿಂಹಾಸನಂ ದಿವ್ಯಮ್

ಅಧ್ಯಸ್ತಂ ಪರಮೇಶ್ವರಮ್ || 3-9

ತಮಾಸ್ಥಾನ ಗತಂ ದೇವಮ್

ಸರ್ವ ಲೋಕ ಮಹೇಶ್ವರಮ್|

ತ್ರಯ್ಯಂತ ಕಮಲಾರಣ್ಯ

ವಿಹಾರಕಲ ಹಂಸಕಮ್ ||3-10

ಉದಾರ ಗುಣಮ್ ಓಂಕಾರ-

ಶುಕ್ತಿಕಾ ಪುಟ ಮೌಕ್ತಿಕಮ್ |

ಸರ್ವಮಂಗಲ ಸೌಭಾಗ್ಯ-

ಸಮುದಾಯ ನಿಕೇತನಮ್ ||3-11

ಸಂಸಾರ ವಿಷ ಮೂರ್ಛಾಲು-

ಜೀವ ಸಂಜೀವ ನೌಷಧಮ್ |

ನಿತ್ಯಪ್ರಕಾಶ ನೈರ್ಮಲ್ಯ -

ಕೈವಲ್ಯ ಸುರ ಪಾದಪಮ್ ||3-12

ಅನಂತ ಪರಮಾನಂದ -

ಮಕರಂದ ಮಧು ವ್ರತಮ್ |

ಆತ್ಮ ಶಕ್ತಿ ಲತಾ ಪುಷ್ಯತ್-

ತ್ರಿಲೋಕೀ ಪುಷ್ಪ ಕೋರಕಮ್ ||3-13

ಬ್ರಹ್ಮಾಂಡ ಕುಂಡಿಕಾ ಷಂಡ-

ಪಿಂಡೀ ಕರಣ ಪಂಡಿತಮ್ |

ಸಮಸ್ತ ದೇವತಾ ಚಕ್ರ-

ಚಕ್ರವರ್ತಿ ಪದೇ ಸ್ಥಿತಮ್ ||3-14

ಚಂದ್ರ ಬಿಂಬಾಯುತ ಚ್ಛಾಯಾ-

ದಾಯಾ ದದ್ಯುತಿ ವಿಗ್ರಹಮ್ |

ಮಾಣಿಕ್ಯ ಮುಕುಟ ಜ್ಯೋತಿರ್

ಮಂಜರೀ ಪಿಂಜರಾಂಬರಮ್ || 3-15

ಚೂಡಾಲಂ ಸೋಮ ಕಲಯಾ

ಸುಕುಮಾರ ಬಿ ಸಾ ಭಯಾ |

ಕಲ್ಯಾಣ ಪುಷ್ಪ ಕಲಿಕಾ-

ಕರ್ಣ ಪೂರ ಮನೋಹರಮ್||3-16

ಮುಕ್ತಾವಲಯ ಸಂಬದ್ಧ

ಮುಂಡ ಮಾಲಾ ವಿರಾಜಿತಮ್ |

ಪರ್ಯಾಪ್ತ ಚಂದ್ರ ಸೌಂದರ್ಯ-

ಪರಿಪಂಥಿ ಮುಖ ಶ್ರಿಯಮ್ |3-17

ಪ್ರಾತಃ ಸಂಫುಲ್ಲ ಕಮಲ -

ಪರಿಯಾಯ ತ್ರಿಲೋಚನಮ್ |

ಮಂದಸ್ಮಿತ ಮಿತಾ ಲಾಪ-

ಮಧುರಾಧರ ಪಲ್ಲವಮ್ ||3-18

ಗಂಡಮಂಡಲ ಪರ್ಯಂತ -

ಕ್ರೀಡನ್ ಮಕರ ಕುಂಡಲಮ್ |

ಕಾಲಿಮ್ನಾ ಕಾಲ ಕೂಟಸ್ಯ

ಕಂಠನಾಲೇ ಕಲಂಕಿತಮ್ || 3-19

ಮಣಿ ಕಂಕಣ ಕೇಯೂರ-

ಮರೀಚಿ ಕರ ಪಲ್ಲವೈಃ |

ಚತುರ್ಭಿಃ ಸಂ ವಿರಾಜಂತಮ್

ಬಾಹು ಮಂದಾರ ಶಾ-ಖಿ ಭಿಃ||3-20

ಗೌರೀ ಪಯೋಧರಾಶ್ಲೇಷ-

ಕೃತಾರ್ಥ ಭುಜ ಮಧ್ಯಮಮ್ |

ಸುವರ್ಣ ಬ್ರಹ್ಮ ಸೂತ್ರಾಂಕಮ್

ಸೂಕ್ಷ್ಮ ಕೌಶೇಯ ವಾಸಸಮ್ |3-21

ನಾಭಿಸ್ಥಾನಾ ವಲಂಬಿನ್ಯಾ

ನವ ಮೌಕ್ತಿಕ ಮಾಲಯಾ |

ಗಂಗ ಯೇವ ಕೃತಾ ಶ್ಲೇಷಮ್

ಮೌಲಿ ಭಾಗಾ ವತೀರ್ಣಯಾ ||3-22

ಪದೇನ ಮಣಿಮಂಜೀರ-

ಪ್ರಭಾ ಪಲ್ಲವಿ ತಶ್ರಿಯಾ |

ಚಂದ್ರವತ್ ಸ್ಪಾಟಿಕಂ ಪೀಠಂ

ಸಮಾವೃತ್ಯ ಸ್ಥಿತಂ ಪುರಃ ||3-23

ಇತಿ ಸಿಂಹಾಸನಾಸೀನ ಪರಮೇಶ್ವರ ವರ್ಣನಂ ||

ಶಕ್ತಿವರ್ಣನಮ್

ವಾಮಪಾರ್ಶವ ನಿವಾಸಿನ್ಯಾ

ಮಂಗಲ ಪ್ರಿಯ ವೇಷಯಾ |

ಸಮಸ್ತಲೋಕ ನಿರ್ಮಾಣ-

ಸಮವಾಯ ಸ್ವರೂಪಯಾ || 3-24

ಇಚ್ಛಾ ಜ್ಞಾನ ಕ್ರಿಯಾ ರೂಪ-

ಬಹು ಶಕ್ತಿ ವಿಲಾಸಯಾ |

ವಿದ್ಯಾ ತತ್ತ್ವ ಪ್ರಕಾಶಿನ್ಯಾ

ವಿನಾ ಭಾವ ವಿಹೀನಯಾ || 3-25

ಸಂಸಾರ ವಿಷ ಕಾಂತಾರ-

ದಾಹ ದಾವಾಗ್ನಿ ಲೇಖಯಾ |

ಧಮ್ಮಿಲ್ಲ ಮಲ್ಲಿಕಾಮೋದ-ಝಂಕುರ್

ವದ್ ಭ್ರುಂಗ ಮಾಲಯಾ || 3-26

ಸಂಪೂರ್ಣ ಚಂದ್ರ ಸೌಭಾಗ್ಯ-

ಸಂವಾದಿ ಮುಖ ಪದ್ಮಯಾ |

ನಾಸಾ ಮೌಕ್ತಿಕ ಲಾವಣ್ಯ-

ನಾ ಶಿರ ಸ್ಮಿತ ಶೋಭಯಾ || 3-27

ಮಣಿ ತಾಟಂಕ ರಂಗಾಂತರ್

ವಲಿತಾಪಾಂಗ ಲೀಲಯಾ |

ನೇತ್ರ ದ್ವಿತಯ ಸೌಂದರ್ಯ-

ನಿಂದಿತೇಂದೀ ವರತ್ವಿಷಾ || 3-28

ಕುಸುಮಾಯುಧ ಕೋದಂಡ –

ಕುಟಿಲ ಭ್ರೂ ವಿಲಾಸ ಯಾ |

ಬಂಧೂಕ ಕುಸುಮ ಚ್ಛಾಯಾ-

ಬಂಧು ಭೂತಾಧರ ಶ್ರಿಯಾ || 3-29

ಕಂಠನಾಲ ಜಿತಾನಂಗ-

ಕಂಬು ಬಿಬ್ಬೋಕ ಸಂಪದಾ |

ಬಾಹು ದ್ವಿತಯ ಸೌಭಾಗ್ಯ-

ವಂಚಿತೋ ತ್ಪಲ ಮಾಲಯಾ || 3-30

ಸ್ಥಿರ ಯೌವನ ಲಾವಣ್ಯ –

ಶೃಂಗಾರಿತ ಶರೀರಯಾ |

ಅತ್ಯಂತ ಕಠಿನೋತ್ತುಂಗ-

ಪೀವರ ಸ್ತ ನ ಭಾರಯಾ || 3-31

ಮೃಣಾಲ ವಲ್ಲರೀತಂತು-

ಬಂಧು ಭೂತಾವ ಲಗ್ನಯಾ |

ಶೃಂಗಾರ ತಟಿನೀ ತುಂಗ-

ಪುಲಿನ ಶ್ರೋಣಿ ಭಾರಯಾ || 3-32

ಕುಸುಂಭ ಕುಸುಮಚ್ಛಾಯಾ –

ಕೋಮಲಾಂಬರ ಶೋಭಯಾ |

ಶೃಂಗಾರೋದ್ಯಾನ ಸಂರಂಭ –

ರಂಭಾ ಸ್ತಂಭೋರು ಕಾಂಡಯಾ3-33

ಚೂತ ಪ್ರವಾಲ ಸುಷುಮಾ-

ಸುಕುಮಾರ ಪದಾಬ್ಜಯಾ |

ಸ್ಥಿರ ಮಂಗಲ ಶೃಂಗಾರ

ಭೂಷಣಾಲಂಕೃ ತಾಂಗಯಾ || 3-34

ಹಾರ ನೂಪುರ ಕೇಯೂರ-

ಚಮತ್ಕೃತ ಶರೀರಯಾ |

ಚಕ್ಷುರಾನಂದ ಲತಯಾ

ಸೌಭಾಗ್ಯ ಕುಲ ವಿದ್ಯಯಾ || 3-35

ಉಮಯಾ ಸಮ-ಮಾ-ಸೀನಂ

ಲೋಕ ಜಾಲ ಕುಟುಂಬಯಾ |

ಅಪೂರ್ವ ರೂಪ ಮ ಭಜನ್

ಪರಿವಾರಾಃ ಸಮಂತತಃ || 3-36

ಇತಿ ಶಕ್ತಿವರ್ಣನಮ್

ದೇವತಾನಾಂ ಸೇವಾ ವರ್ಣನಮ್

ಪುಂಡರೀಕಾ ಕೃತಿಂ ಸ್ವಚ್ಛಮ್

ಪೂರ್ಣ ಚಂದ್ರ ಸಹೋದರಮ್ |

ದಧೌ ತಸ್ಯ ಮಹಾಲಕ್ಷ್ಮೀಃ

ಸಿತಮಾತ-ಪ-ವಾರಣಮ್|| 3-37

ತಂತ್ರೀ ಝಂಕಾರ ಶಾಲಿನ್ಯಾ

ಸಂಗೀತಾಮೃತ ವಿದ್ಯಯಾ |

ಉಪತಸ್ಥೇ ಮಹಾದೇವಮ್

ಉಪಾಂತೇ ಚ ಸರಸ್ವತೀ || 3-38

ಝಣತ್ಕಂಕಣ ಜಾತೇನ

ಹಸ್ತೇನೋಪ ನಿಷದ್ವಧೂಃ |

ಓಂಕಾರ ತಾಲ ವೃಂತೇನ

ವೀಜಯಾ ಮಾಸ ಶಂಕರಮ್ || 3-39

ಚಲಚ್ಚಾ ಮರಿಕಾ ಹಸ್ತಾ

ಝಂಕುರ್ ವನ್ಮಣಿ ಕಂಕಣಾಃ |

ಆಸೇವಂತ ತವಿೂಶಾನಮ್

ಅಭಿತೋ ದಿವ್ಯಕನ್ಯಕಾಃ || 3-40

ಚಾಮರಾಣಾಂ ವಿಲೋಲಾನಾಮ್

ಮಧ್ಯೇ ತನ್ಮುಖ ಮಂಡಲಮ್ |

ರರಾಜ ರಾಜ ಹಂಸಾನಾಮ್

ಭ್ರಮತಾಮಿವ ಪಂಕಜಮ್ || 3-41

ಮಂತ್ರೇಣ ತಮ ಸೇವಂತ

ವೇದಾಃ ಸಾಂಗವಿಭೂತಯಃ |

ಭಕ್ತ್ಯಾ ಚೂಡಾಮಣಿಂ ಕಾಂತಮ್

ವಹಂತ ಇವ ಮೌಲಿಭಿಃ || 3-42

ತದೀಯಾಯುಧ ಧಾರಿಣ್ಯಃ

ತತ್ಸಮಾನ ವಿಭೂಷಣಾಃ |

ಅಂಗಭೂತಾಃ ಸ್ತ್ರಿಯಃ ಕಾಶ್ಚಿದ್

ಆ ಸೇವಂತ ತಮೀಶ್ವರಮ್ || 3-43

ಆಪ್ತಾಧಿಕಾರಿಣಃ ಕೇಚಿತ್

ಅನಂತ ಪ್ರಮುಖಾ ಅಪಿ |

ಅಷ್ಟೌ ವಿದ್ಯೇಶ್ವರಾ ದೇವಮ್

ಅಭಜಂತ ಸಮಂತತಃ || 3-44

ತತೋ ನಂದೀ ಮಹಾಕಾಲಃ

ಚಂಡೋ ಭೃಂಗೀರಿಟಿ ಸ್ತತಃ |

ಸೇನಾ ನಿರ್ಗಜ ವಕ್ತ್ರಶ್ಚ

ರೇಣುಕೋದಾರುಕ ಸ್ತಥಾ|

ಘಂಟಾಕರ್ಣಃ ಪುಷ್ಪದಂತಃ

ಕಪಾಲೀ ವೀರಭದ್ರಕಃ|| 3-45

ಏವಮಾದ್ಯಾ ಮಹಾಭಾಗಾ

ಮಹಾಬಲ ಪರಾಕ್ರಮಾಃ|

ನಿರಂಕುಶ ಮಹಾಸತ್ತ್ವಾ

ಭೇಜಿರೇ ತಂ ಮಹೇಶ್ವರಮ್ || 3-46

ಅಣಿಮಾದಿಕಮ್ ಐಶ್ವರ್ಯಮ್

ಯೇಷಾಂ ಸಿದ್ಧೇರ ಪೋಹನಮ್ |

ಬ್ರಹ್ಮಾದಯಃ ಸುರಾ ಯೇಷಾಮ್

ಆಜ್ಞಾ ಲಂಘನ ಭೀ ರವಃ || 3-47

ಮೋಕ್ಷಲಕ್ಷ್ಮೀ ಪರಿಷ್ವಂಗ -

ಮುದಿತಾ ಯೇನ್ತ ರಾತ್ಮನಾ |

ಯೇಷಾಮೀಷ ತ್ಕರಂ ವಿಶ್ವ-

ಸರ್ಗ ಸಂಹಾರ ಕಲ್ಪನಮ್|| 3-48

ಜ್ಞಾನಶಕ್ತಿಃ ಪರಾ ಯೇಷಾಮ್

ಸರ್ವವಸ್ತು ಪ್ರಕಾಶಿನೀ |

ಆನಂದ ಕಣಿಕಾ ಯೇಷಾಮ್

ಹರಿ ಬ್ರಹ್ಮಾದಿ ಸಂಪದಃ || 3-49

ಆಕಾಂಕ್ಷಂತೇ ಪದಂ ಯೇಷಾಮ್

ಯೋಗಿನೋ ಯೋಗ ತತ್ಪರಾಃ |

ಕಾಂಕ್ಷಣೀಯ ಫಲೋ ಯೇಷಾಮ್

ಸಂಕಲ್ಪಃ ಕಲ್ಪ ಪಾದಪಃ || 3-50

ಕರ್ಮ ಕಾಲಾದಿ ಕಾರ್ಪಣ್ಯ-

ಚಿಂತಾ ಯೇಷಾಂ ನ ವಿದ್ಯತೇ |

ಯೇಷಾಂ ವಿಕ್ರಮ ಸನ್ನಾಹಾ

ಮೃತ್ಯೋರಪಿ ಚ ಮೃತ್ಯವಃ|

ತೇಸಾ ರೂಪ್ಯ ಪದಂ ಪ್ರಾಪ್ತಾಃ

ಪ್ರಮಥಾ ಭೇಜಿರೇ ಶಿವಮ್ ||3-51

ಬ್ರಹ್ಮೋಪೇಂದ್ರ ಮಹೇಂದ್ರಾದ್ಯಾ

ವಿಶ್ವ ತಂತ್ರಾಧಿಕಾರಿಣಮ್|

ಆಯುಧಾ ಲಂಕೃತ ಪ್ರಾಂತಾಃ

ಪರಿತಸ್ತಂ ಸಿಷೇವಿರೇ|| 3-52

ಆದಿತ್ಯಾ ವಸವೋ ರುದ್ರಾ

ಯಕ್ಷ ಗಂಧರ್ವ ಕಿನ್ನರಾಃ|

ದಾನವಾ ರಾಕ್ಷಸಾ ದೈತ್ಯಾಃ

ಸಿದ್ಧಾ ವಿದ್ಯಾ ಧರೋ ರಗಾಃ|

ಅಭಜಂತ ಮಹಾದೇವಮ್ |

ಅಪರಿಚ್ಛಿನ್ನ ಸೈನಿಕಾಃ || 3-53

ವಸಿಷ್ಠೋ ವಾಮದೇವಶ್ಚ

ಪುಲಸ್ತ್ಯಾಗಸ್ತ್ಯ ಶೌನಕಾಃ |

ದಧೀಚಿರ್ಗೌತಮಶ್ಚೈವ

ಸಾನಂದ ಶುಕ ನಾರದಾಃ || 3-54

ಉಪಮನ್ಯು ಭೃಗುವ್ಯಾಸ-

ಪರಾಶರ ಮರೀಚಯಃ |

ಇತ್ಯಾದ್ಯಾ ಮುನಯಃ ಸರ್ವೆ

ನೀಲಕಂಠಂ ಸಿಷೇವಿರೇ || 3-55

ಪಾಶ್ರ್ವಸ್ಥ ಪರಿವಾರಾಣಾಮ್

ವಿಮಲಾಂಗೇಷು ಬಿಂಬಿತಃ |

ಸರ್ವಾಂತರ್ಗತ ಮಾತ್ಮಾನಮ್

ಸ ರೇಜೇ ದರ್ಶಯನ್ನಿವ || 3-56

ದೇವತಾನಾಂ ಸೇವಾವರ್ಣನಮ್

ಪರಮೇಶ್ವರಸ್ಯ ರಾಜ ವ್ಯಾಪಾರ ವರ್ಣನಮ್

ಕ್ಷಣಂ ಸ ಶಂಭುರ್ ದೇವಾನಾಮ್

ಕಾರ್ಯಭಾಗಂ ನಿರೂಪಯನ್ |

ಕ್ಷಣಂ ಗಂಧರ್ವ ರಾಜಾನಾಮ್

ಗಾನವಿದ್ಯಾಂ ವಿಭಾವಯನ್||3-57