ಸಚ್ಚಿದಾನಂದ ರೂಪಾಯ

ಸದಸದ್ ವ್ಯಕ್ತಿ ಹೇತವೇ|

ನಮಃ ಶಿವಾಯ ಸಾಂಬಾಯ

ಸ-ಗಣಾಯ ಸ್ವಯಂಭುವೇ||2-1

#ಸದಾಶಿವ ಮುಖಾಶೇಷ-

ತತ್ತ್ವ ಮೌಕ್ತಿಕ ಶುಕ್ತಿಕಾಮ್ |

ವಂದೇ ಮಾಹೇಶ್ವರೀಂ ಶಕ್ತಿಮ್

ಮಹಾ ಮಾಯಾದಿ ರೂಪಿಣೀಮ್ ||2-2

ಇತಿ ಮಂಗಲಾಚರಣಮ್

(22 ಶ್ಲೋಕಗಳು)

ವಸ್ತುನಿರ್ದೇಶನಮ್

ಅಸ್ತಿ ಸಚ್ಚಿತ್-ಸುಖಾಕಾರಮ್

ಅಲಕ್ಷಣ ಪದಾಸ್ಪದಮ್ |

ನಿರ್ವಿಕಲ್ಪಂ ನಿರಾಕಾರಮ್ |

ನಿರಸ್ತಾಶೇಷ ವಿಪ್ಲವಮ್||2-3

#ಪರಿಚ್ಛೇದ ಕಥಾ ಶೂನ್ಯಮ್

ಪ್ರಪಂಚಾತೀತ ವೈಭವಮ್ |

ಪ್ರತ್ಯಕ್ಷಾದಿ ಪ್ರಮಾಣಾ-ನಾಮ್

ಅಗೋಚರ ಪದೇ ಸ್ಥಿತಮ್ ||2-4

ಸ್ವಪ್ರಕಾಶಮ್ ವಿರಾಜಂತ-ಮ್

ಅನಾಮಯಮ್ ಅನೌಪಮಮ್

ಸರ್ವಜ್ಞಂ ಸರ್ವಗಂ ಶಾಂತಮ್

ಸರ್ವಶಕ್ತಿ ನಿರಂಕುಶಮ್ || 2-5

#ಶಿವರುದ್ರ ಮಹಾದೇವ

ಭವಾದಿ ಪದ ಸಂಜ್ಞಿತಮ್ |

ಅದ್ವಿತೀಯಮ ನಿರ್ದೇಷ್ಯಮ್

ಪರಂಬ್ರಹ್ಮ ಸನಾತನಮ್ ||2-6

ತತ್ರ ಲೀನ ಮಭೂತ್ ಪೂರ್ವಮ್

ಚೇತನಾ ಚೇತನಂ ಜಗತ್ |

ಸ್ವಾತ್ಮಲೀನಂ ಜಗತ್ಕಾರ್ಯಮ್

ಸ್ವಪ್ರಕಾಶ್ಯಂ ತದದ್ಭುತಮ್ || 2-7

ಶಿವಾಭಿಧಂ ಪರಂ ಬ್ರಹ್ಮ

ಜಗನ್ನಿರ್ಮಾತುಮ್ ಇಚ್ಛಯಾ |

ಸ್ವರೂಪಮ್ ಆದಧೇ ಕಿಂಚಿತ್

ಸುಖಸ್ಫೂರ್ತಿ ವಿಜೃಂಭಿತಮ್ || 2-8

ನಿರಸ್ತ ದೋಷ ಸಂಬಂಧಮ್

ನಿರುಪಾಧಿಕ ಮ-ವ್ಯಯಮ್ |

ದಿವ್ಯಮ್ ಪ್ರಾಕೃತಂ ನಿತ್ಯಮ್

ನೀಲಕಂಠಂ ತ್ರಿಲೋಚನಮ್ || 2-9

ಚಂದ್ರಾರ್ಧ ಶೇಖರಂ ಶುದ್ಧಮ್

ಶುದ್ಧ ಸ್ಫಟಿಕ ಸನ್ನಿಭಮ್ |

ಶುದ್ಧ ಮುಕ್ತಾ ಫಲಾಭಾಸಮ್

ಉಪಾಸ್ಯಂ ಗುಣಮೂರ್ತಿಭಿಃ || 2-10

ವಿಶುದ್ಧ ಜ್ಞಾನ ಕರಣಮ್

ವಿಷಯಂ ಸರ್ವಯೋಗೀ-ನಾಮ್ |

ಕೋಟಿ ಸೂರ್ಯ ಪ್ರತೀಕಾಶಮ್

ಚಂದ್ರಕೋಟಿ ಸಮಪ್ರಭಮ್

ಅಪ್ರಾಕೃತ ಗುಣಾ ಧಾರಮ್

ಅನಂತ ಮಹಿಮಾಸ್ಪದಮ್ || 2-11

ತದೀಯಾ ಪರಮಾ ಶಕ್ತಿಃ

ಸಚ್ಚಿದಾನಂದ ಲಕ್ಷಣಾ |

ಸಮಸ್ತ ಲೋಕನಿರ್ಮಾಣ-

ಸಮವಾಯ ಸ್ವರೂಪಿಣೀ || 2-12

ತದಿಚ್ಛಯಾ ಭವತ್ ಸಾಕ್ಷಾತ್

ತತ್ತ್ ಸ್ವರೂಪಾನು ಸಾರಿಣೀ |

ಸ ಶಂಭು ರ್ಭಗವಾನ್ ದೇವಃ |

ಸರ್ವಜ್ಞಃ ಸರ್ವಶಕ್ತಿಮಾನ್ || 2-13

ಜಗತ್ಸಿ-ಸೃಕ್ಷುಃ ಪ್ರಥಮಮ್

ಬ್ರಹ್ಮಾಣಂ ಸರ್ವ ದೇಹಿನಾಮ್ |

ಕರ್ತಾರಂ ಸರ್ವ ಲೋಕಾನಾಮ್

ವಿದಧೇ ವಿಶ್ವನಾಯಕಃ || 2-14

ತಸ್ಮೈ ಪ್ರಥಮ ಪುತ್ರಾಯ

ಶಂಕರಃ ಶಕ್ತಿಮಾನ್ ವಿಭುಃ|

ಸರ್ವಜ್ಞಃ ಸಕಲಾ ವಿದ್ಯಾಃ|

ಸಾನುಗ್ರಹ ಪಾದಿಶತ್|

ಪ್ರಾಪ್ತವಿದ್ಯೋ ಮಹಾದೇವಾತ್ |

ಬ್ರಹ್ಮಾ ವಿಶ್ವ ನಿಯಾಮಕಾತ್ || 2-15

ಸಮಸ್ತ ಲೋಕಾನ್ ನಿರ್ಮಾ ತುಮ್

ಸಮುದ್ಯಮ ಪರೋಭವತ್ |

ಕೃತೋದ್ಯೋ ಗೋಪಿ ನಿರ್ಮಾಣೇ

ಜಗತಾಂ ಶಂಕರಾ ಜ್ಞಯಾ|

ಅಜ್ಞಾತೋ ಪಾಯ ಸಂಪತ್ತೇ-

ರಭವನ್ಮಾಯಯಾವೃತಃ ||16

ವಿಧಾತು ಮಖಿಲಾನ್ ಲೋಕಾನ್

ಉಪಾಯಂ ಪ್ರಾಪ್ತುಮಿಚ್ಛಯಾ |

ಪುನಸ್ತಂ ಪ್ರಾರ್ಥಯಾಮಾಸ

ದೇವ ದೇವಂ ತ್ರಿಯಂಬಕಮ್ ||17

ನಮಸ್ತೇ ದೇವ ದೇವೇಶ

ನಮಸ್ತೇ ಕರುಣಾಕರ |

ಅಸ್ಮದಾದಿ ಜಗತ್ಸರ್ವಮ್

ನಿರ್ಮಾಣ ನ ವಿಧಿಕ್ಷಮ ||18

ಉಪಾಯಂ ವದ ಮೇ ಶಂಭೋ

ಜಗತ್ಸ್ರಷ್ಟಃ! ಜಗತ್ಪತೇ |

ಸರ್ವಜ್ಞಃ ಸರ್ವ ಶಕ್ತಿ ಸ್ತ್ವಮ್

ಸರ್ವಕರ್ತಾ ಸನಾತನಃ |19

ಇತಿ ಸಂಪ್ರಾರ್ತಿಥ: ಶಂಭುಃ

ಬ್ರಹ್ಮಣಾ ವಿಶ್ವನಾಯಕಃ |

ಉಪಾಯಮವದತ್ ತಸ್ಮೈ

ಲೋಕ ಸೃಷ್ಟಿ ಪ್ರವರ್ತನಮ್ ||20

ಉಪಾಯಮ್ ಈಶ್ವರೇಣೋಕ್ತಮ್

ಲಬ್ಧ್ವಾಪಿ ಚತುರಾನನಃ |

ನ ಸಮರ್ಥೊ ಭವತ್ ಕರ್ತುಮ್

ನಾನಾ ರೂಪಮ್ ಇದ ಜಗತ್ ||21

ಪುನಸ್ತಂ ಪ್ರಾರ್ಥಯಾಮಾಸ

ಬ್ರಹ್ಮಾ ವಿಹ್ವಲ ಮಾನಸಃ |

ದೇವದೇವ ಮಹಾದೇವ

ಜಗತ್ ಪ್ರಥಮಕಾರಣ|

ನಮಸ್ತೇ ಸಚ್ಚಿದಾನಂದ

ಸ್ವೇಚ್ಛಾ ವಿಗ್ರಹ ರಾಜಿತ ||22

ಭವ ಶರ್ವ ಮಹೇಶಾನ

ಸರ್ವ ಕಾರಣ ಕಾರಣ |

ಭವದುಕ್ತೋ ಶ್ಯುಪಾಯೋ ಮೇ

ನ ಕಿಂಚಿಜ್ಜ್ಞಾಯತೇಧುನಾ ||23

ಸೃಷ್ಟಿಂ ವಿಧೇಹಿ ಭಗವನ್

ಪ್ರಥಮಂ ಪರಮೇಶ್ವರ |

ಜ್ಞಾತೋಪಾಯ ಸ್ತತಃ ಕುರ್ಯಾಮ್

ಜಗತ್ಸೃಷ್ಟಿಮ್ ಉಮಾಪತೇ ||24

ಇತಿ ವಸ್ತು ನಿರ್ದೆಶನಂ

ಪ್ರಮಥಾನಾಂ ಸೃಷ್ಟಿಃ

ಇತ್ಯೇವಂ ಪ್ರಾರ್ಥಿತಃ ಶಂಭುಃ

ಬ್ರಹ್ಮಣಾ ವಿಶ್ವ ಯೋನಿನಾ |

ಸಸರ್ಜಾತ್ಮ ಸಮಪ್ರಖ್ಯಾನ್

ಸರ್ವಗಾನ್ ಸರ್ವ ಶಕ್ತಿಕಾನ್ || 25

ಪ್ರಬೋಧ ಪರಮಾನಂದ-

ಪರಿವಾಹಿತ ಮಾನಸಾನ್

ಪ್ರಮಥಾನ್ ವಿಶ್ವನಿರ್ಮಾಣ

ಪ್ರಲಯಾ ಪಾದ ಉಕ್ಷಮಾನ್ ||2-26

ಸೃಷ್ಟ ಪ್ರಮಥವರ್ಗೆಷು

ವರ್ಣಾಶ್ರಮ ಪರಿಕ್ರಮಾನ್ |

ಅಪ್ರಾಕೃತ ಸದಾಚಾರಾನ್

ಉಪಾದಿ ಶ ದಥ ಪ್ರಭುಃ || 2-27

ತೇಷು ಪ್ರಮಥ ವರ್ಗೆಷು

ಸೃಷ್ಟೇಷು ಪರಮಾತ್ಮನಾ |

ರೇಣುಕೋ ದಾರುಕಶ್ಚೇತಿ

ದ್ವಾವಭೂತಾಂ ಶಿವಪ್ರಿಯೌ||2-28

ಸರ್ವವಿದ್ಯಾ ವಿಶೇಷಜ್ಞೌ

ಸರ್ವಕಾರ್ಯ ವಿಚಕ್ಷಣೌ|

ಮಾಯಾಮಲ ವಿನಿರ್ ಮುಕ್ತೌ

ಮಹಿಮಾತಿಶಯೋ ಜ್ವಲೌ||2-29

ಆತ್ಮಾನಂದಪರಿಸ್ಫೂರ್ತಿ-

ರಸಾಸ್ವಾದನಲಂಪಟೌ |

ಶಿವತತ್ತ್ವಪರಿಜ್ಞಾನ-

ತಿರಸ್ಕೃತಭವಾಮಯೌ ||2-30

ನಾನಾಪಥಮಹಾಶೈವ-

ತಂತ್ರನಿರ್ವಾಹತತ್ಪರೌ

ವೇದಾಂತ ಸಾರ ಸರ್ವಸ್ವ-

ವಿವೇಚನ ವಿಚಕ್ಷಣೌ ||2-31

ನಿತ್ಯಸಿದ್ಧೌ ನಿರಾತಂಕೌ

ನಿರಂಕುಶ ಪರಾಕ್ರಮೌ |

ತಾದೃಶೌ ತೌ ಮಹಾಭಾಗೌ

ಸಂವೀಕ್ಷ್ಯ ಪರಮೇಶ್ವರಃ ||2-32

ಸಮರ್ಥೌ ಸರ್ವ ಕಾರ್ಯೆಷು

ವಿಶ್ವಾಸ ಪರ ಮಾಶ್ರಿತೌ |

ಅಂತಃಪುರ ದ್ವಾರಪಾಲೌ

ನಿರ್ಮಮೇ ನಿಯತೌ ವಿಭುಃ||2-33

ಗಣೇಶ್ವರೌ ರೇಣುಕದಾರುಕಾವುಭೌ

ವಿಶ್ವಾಸಭೂತೌ ನವಚಂದ್ರಮೌಲೇಃ |

ಅಂತಃಪುರ ದ್ವಾರಗತೌ ಸದಾ ತೌ

ವಿತೇನ-ತುರ್ ವಿಶ್ವ-ಪ-ತೇಸ್ತು ಸೇವಾಮ್||2-34

ಇತಿ - ಪ್ರಮಥಾನಾಂ ಸೃಷ್ಟಿಃ ಪರಿ ಸಮಪ್ತೌ

ಓಂ ತತ್ಸತ್ ಇತಿ

ಶ್ರೀ ಶಿವಗೀತೇಷು ಸಿದ್ಧಾಂತಾಗಮೇಷು – ಶಿವಾದ್ವೈತ ವಿದ್ಯಾಯಾಂ ಶಿವಯೋಗಶಾಸ್ತ್ರೇ,

ಶ್ರೀ ರೇಣುಕಾಗಸ್ತ್ಯ ಸಂವಾದೇ ಶ್ರೀ ವೀರಶೈವ ಧರ್ಮ ನಿರ್ಣಯೇ,

ಶ್ರೀ ಶಿವಯೋಗಿ ಶಿವಾಚಾರ್ಯ ವಿರಚಿತೇ ಶ್ರೀಸಿದ್ಧಾಂತ ಶಿಖಾಮಣೌ

ಜಗತ್ಸೃಷ್ಟಿ ವಿಚಾರೋ ನಾಮ ದ್ವಿತೀಯಃ ಪರಿಚ್ಛೇದಃ