ನಿನ್ನಾತ್ಮ ನಿಶ್ಚಲವಿರಲು

ನಿನ್ನಾತ್ಮ ನಿಶ್ಚಲವಿರಲು

ಪರಮಾತ್ಮ ನಿಶ್ಚಯವಿರುವ !

ರಂಗು ರಂಗಿನ ಹೂಗಳು ಇರಲು

ಪೂಜೆಗೆ ರಂಗು ಇದೆಯೇನು?

ರಂಗಿನ ಹೂಗಳೇ ನಿನ್ನಾತ್ಮ

ಪೂಜೆಯೆಂಬುದೆ ಪರಮಾತ್ಮ !

ನಿನ್ನಾತ್ಮ ನಿಶ್ಚಲವಿರಲು

ಪರಮಾತ್ಮ ನಿಶ್ಚಯವಿರುವ !

ಅಂಕು ಡೊಂಕುಗಳು ಕಬ್ಬಿಗೆ ಇರಲು

ಕಬ್ಬಿನ ಸಿಹಿಯು ಡೊಂಕೇನೂ ?

ಡೊಂಕಿನ ಕಬ್ಬೆ ನಿನ್ನಾತ್ಮ

ಸಮನಾದ ಸಿಹಿಯೇ ಪರಮಾತ್ಮ !

ನಿನ್ನಾತ್ಮ ನಿಶ್ಚಲವಿರಲು

ಪರಮಾತ್ಮ ನಿಶ್ಚಯವಿರುವ !

ಬಣ್ಣ ಬಣ್ಣದ ಹಸುಗಳು ಇರಲು

ಹಾಲಿಗೆ ಬಣ್ಣ ಇದೆಯೇನು ?

ಬಣ್ಣದ ಹಸುಗಳೇ ನಿನ್ನಾತ್ಮ

ಬಿಳಿನೂರೆ ಹಾಲೆ ಪರಮಾತ್ಮ !

ನಿನ್ನಾತ್ಮ ನಿಶ್ಚಲವಿರಲು

ಪರಮಾತ್ಮ ನಿಶ್ಚಯವಿರುವ !

ಭಜನೆಯು ನಾನಾ ರಾಗದಿ ಇರಲು

ಭಕ್ತಿಗೆ ರಾಗ ಇದೆಯೇನು ?

ವಿಧ ವಿಧ ರಾಗವೇ ನಿನ್ನಾತ್ಮ

ಭಕ್ತಿಯೆಂಬುದೆ ಪರಮಾತ್ಮ !

ನಿನ್ನಾತ್ಮ ನಿಶ್ಚಲವಿರಲು

ಪರಮಾತ್ಮ ನಿಶ್ಚಯವಿರುವ !

ನೋಟಕೆ ಕಮಾನು ಕಣ್ಣುಗಳು ಇರಲು

ದೃಷ್ಠಿಗೇ ಕಮಾನು ಇದೆಯೇನು ?

ಕಮಾನು ಕಣ್ಣುಗಳೇ ನಿನ್ನಾತ್ಮ

ನೇರ ದೃಷ್ಠಿಯೇ ಪರಮಾತ್ಮ !

ನಿನ್ನಾತ್ಮ ನಿಶ್ಚಲವಿರಲು

ಪರಮಾತ್ಮ ನಿಶ್ಚಯವಿರುವ !

ರಂಗು ರಂಗಿನ ಹೂಗಳು ಇರಲು

ಪೂಜೆಗೆ ರಂಗು ಇದೆಯೇನು?

ರಂಗಿನ ಹೂಗಳೇ ನಿನ್ನಾತ್ಮ

ಪೂಜೆಯೆಂಬುದೆ ಪರಮಾತ್ಮ

ಪೂಜೆಯೆಂಬುದೆ ಪರಮಾತ್ಮ !