20 - ವಿಂಶಃಪರಿಚ್ಛೇದಃ ಐಕ್ಯಸ್ಥಲಾಂತರ್ಗತನವವಿಧಲಿಂಗಸ್ಥಲಪ್ರಸಂಗಃ ಅಥ ಐಕ್ಯಸ್ಥಲಮ್

|| ಅಗಸ್ತ್ಯ ಉವಾಚ ||

ಸ್ಥಲಭೇದಾಸ್ತ್ವಯಾ ಪ್ರೋಕ್ತಾಃ

ಶರಣಸ್ಥಲಸಂಶ್ರಿತಾಃ |

ಐಕ್ಯಸ್ಥಲಗತಾನ್ ಬ್ರೂಹಿ

ಸ್ಥಲಭೇದಾನ್ ಗಣೇಂದ್ರ ಮೇ || 20-1

|| ಶ್ರೀ #ರೇಣುಕಉವಾಚ ||

ಸ್ಥಲಾನಾಂ ನವಕಂ ಚೈಕ್ಯ-

ಸ್ಥಲೇಸ್ಮಿನ್ ಪರಿಕೀತ್ರ್ಯತೇ || 20-2

ತತ್ಸ್ವೀಕೃತಪ್ರಸಾದೈಕ್ಯ-

ಸ್ಥಲಮಾದೌ ಪ್ರಕೀರ್ತಿತಮ್ |

ಶಿಷ್ಟೋದನಸ್ಥಲಂ ಚಾಥ

ಚರಾಚರಲಯಸ್ಥಲಮ್ || 20-3

#ಭಾಂಡಸ್ಥಲಂ ತತಃ ಪ್ರೋಕ್ತಮ್

ಭಾಜನಸ್ಥಲಮುತ್ತಮಮ್ |

ಅಂಗಾಲೇಪಸ್ಥಲಂ ಪಶ್ಚಾತ್

ಸ್ವಪರಾಜ್ಞ್ಞಸ್ಥಲಂ ತತಃ || 20-4

ಭಾವಾಭಾವವಿನಾಶಂ ಚ

ಜ್ಞಾನಶೂನ್ಯಸ್ಥಲಂ ತತಃ |

ತದೇಷಾಂ ಕ್ರಮಶೋ ವಕ್ಷ್ಯೇ

ಶೃಣು ತಾಪಸ ಲಕ್ಷಣಮ್ || 20-5

# ಐಕ್ಯಸ್ಥಲಮ್ #ಅಥ ಸ್ವೀಕೃತಪ್ರಸಾದಿಸ್ಥಲಮ್

ಮುಖ್ಯಾರ್ಥೊ ಲಕ್ಷಣಾರ್ಥಶ್ಚ

ಯತ್ರ ನಾಸ್ತಿ ಚಿದಾತ್ಮನಿ |

ವಿಶೃಂಖಲತಯಾ ತಸ್ಯ

ಪ್ರಸಾದಃ ಸ್ವೀಕೃತೋ ಭವೇತ್ || 20-6

#ಮಾತೃಮೇಯಪ್ರಮಾಣಾದಿ-

ವ್ಯವಹಾರೇ ವಿಹಾರಿಣೀಮ್ |

ಸಂವಿತ್ಸಾಕ್ಷಾತ್ಕೃತಿಂ ಲಬ್ಧ್ವಾ

ಯೋಗೀ ಸ್ವಾತ್ಮನಿ ತಿಷ್ಠತಿ || 20-7

ಅದ್ವೈತಬೋಧನಿರ್ಧೂತ-

ಭೇದಾವೇಶಸ್ಯ ಯೋಗಿನಃ |

ಸಾಕ್ಷಾತ್ಕೃತಮಹಾಸಂವಿತ್

ಪ್ರಕಾಶಸ್ಯ ಕ್ವ ಬಂಧನಮ್ || 20-8

#ಚಿದಾತ್ಮನಿ ಶಿವೇ ನ್ಯಸ್ತಮ್

ಜಗದೇತಚ್ಚರಾಚರಮ್ |

ಜ್ಞಾಯತೇ ತನ್ಮಯಂ ಸರ್ವಮ್

ಅಗ್ನೌ ಕಾಷ್ಠಾದಿಕಂ ಯಥಾ || 20-9

ನ ಭಾತಿ ಪೃಥ್ವೀ ನ ಜಲಮ್

ನ ತೇಜೋ ನೈವ ಮಾರುತಃ |

ನಾಕಾಶೋ ನ ಪರಂ ತತ್ತ್ವಮ್

ಶಿವೇ ದೃಷ್ಟೇ ಚಿದಾತ್ಮನಿ || 20-10

#ಜ್ಯೋತಿರ್ಲಿಂಗೇ ಚಿದಾಕಾರೇ

ಜ್ವಲತ್ಯಂತರ್ನಿರಂತರಮ್ |

ವಿಲೀನಂ ನಿಖಿಲಂ ತತ್ತ್ವಮ್

ಪಶ್ಯನ್ ಯೋಗೀ ನ ಲಿಪ್ಯತೇ || 20-11

ಅಂತರ್ಮುಖೇನ ಮನಸಾ

ಸ್ವಾತ್ಮಜ್ಯೋತಿಷಿ ಚಿನ್ಮಯೇ |

ಸರ್ವಾನಪ್ಯರ್ಥವಿಷಯಾನ್

ಜುಹ್ವನ್ ಯೋಗೀ ಪ್ರಮೋದತೇ || 20-12

#ಸಚ್ಚಿದಾನಂದಜಲಧೌ

ಶಿವೇ ಸ್ವಾತ್ಮನಿ ನಿರ್ಮಲಃ |

ಸಮಪ್ರ್ಯ ಸಕಲಾನ್ ಭುಂಕ್ತೇ

ವಿಷಯಾನ್ ತತ್ಪ್ರಸಾದತಃ || 20-13

ಇತಿ ಸ್ವೀಕೃತಪ್ರಸಾದಿಸ್ಥಲಂ

#ಅಥ #ಶಿಷ್ಟೋದನಸ್ಥಲಮ್

ಪ್ರಕಾಶತೇ ಯಾ ಸರ್ವೆಷಾಮ್

ಮಾಯಾ ಸೈವೋದನಾಕೃತಿಃ |

ಲೀಯತೇ ತತ್ರ ಚಿಲ್ಲಿಂಗೇ

ಶಿಷ್ಟಂ ತತ್ಪರಿಕೀರ್ತಿತಮ್ || 20-14

#ಜಗದಂಗೇ ಪರಿಗ್ರಸ್ತೇ

ಮಾಯಾಪಾಶವಿಜೃಂಭಿತೇ |

ಸ್ವಾತ್ಮಜ್ಯೋತಿಷಿ ಬೋಧೇನ

ತದೇಕಮವಶಿಷ್ಯತೇ || 20-15

ಅಖಂಡ(ಸಂವಿದಾನಂದ)ಸಚ್ಚಿದಾನಂದ-

ಪರಬ್ರಹ್ಮಸ್ವರೂಪಿಣಃ |

ಜೀವನ್ಮುಕ್ತಸ್ಯ ಧೀರಸ್ಯ

ಮಾಯಾ ಕೈಂಕರ್ಯವಾದಿನೀ || 20-16

#ವಿಶ್ವಂ ಸಂಮೋಹಿನೀ ಮಾಯಾ

ಬಹುಶಕ್ತಿರ್ನಿರಂಕುಶಾ |

ಶಿವೈಕತ್ವಮುಪೇತಸ್ಯ

ನ ಪುರಃ ಸ್ಥಾತುಮೀಹತೇ || 20-17

ಜ್ಯೋತಿರ್ಲಿಂಗೇ ಚಿದಾಕಾರೇ

ನಿಮಗ್ನೇನ ಮಹಾತ್ಮನಾ |

ಭುಜ್ಯಮಾನಾ ಯಥಾಯೋಗಮ್

ನಶ್ಯಂತಿ ವಿಷಯಾಃ ಸ್ವತಃ || 20-18

# ಶಬ್ದಾದಯೋಪಿ ವಿಷಯಾ

ಭುಜ್ಯಮಾನಾಸ್ತದಿಂದ್ರಿಯೈಃ |

ಆತ್ಮನ್ಯೇವ ವಿಲೀಯಂತೇ

ಸರಿತಃ ಸಾಗರೇ ಯಥಾ || 20-19

ಅರ್ಥಜಾತಮಶೇಷಂ ತು

ಗ್ರಸನ್ ಯೋಗೀ ಪ್ರಶಾಮ್ಯತಿ |

ಸ್ವಾತ್ಮನೈವಾಸ್ಥಿತೋ ಭಾನುಃ

ತೇಜೋಜಾಲಮಶೇಷತಃ || 20-20

# ಇತಿ ಶಿಷ್ಟೋದನಸ್ಥಲಂ

ಅಥ #ಚರಾಚರಲಯ ಸ್ಥಲಮ್

ಲಿಂಗೈಕ್ಯೇ ತು ಸಮಾಪನ್ನೇ

ಚರಣಾಚರಣೇ ಗತೇ |

ನಿರ್ದೆಹೀ ಸ ಭವೇದ್ಯೋಗೀ

ಚರಾಚರವಿನಾಶಕಃ || 20-21

#ಅನಾದ್ಯವಿದ್ಯಾಮೂಲಾ ಹಿ

ಪ್ರತೀತಿರ್ಜಗತಾಮಿಯಮ್ |

ಸ್ವಾತ್ಮೈಕಬೋಧಾತ್ ತನ್ನಾಶೇ

ಕುತೋ ವಿಶ್ವಪ್ರಕಾಶನಮ್ || 20-22

ಯಥಾ ಮೇಘಾಃ ಸಮುದ್ಭೂತಾಃ

ವಿಲೀಯಂತೇ ನಭಸ್ಥಲೇ |

ತಥಾತ್ಮನಿ ವಿಲೀಯಂತೇ

ವಿಷಯಾಃ ಸ್ವಾನುಭಾವಿನಃ || 20-23

#ಸ್ವಪ್ನೇ ದೃಷ್ಟಂ ಯಥಾ ವಸ್ತು

ಪ್ರಬೋಧೇ ಲಯಮಶ್ನುತೇ |

ತಥಾ ಸಾಂಸಾರಿಕಂ ಸರ್ವಮ್

ಆತ್ಮಜ್ಞಾನೇ ವಿನಶ್ಯತಿ || 20-24

ಜಾಗ್ರತ್ಸ್ವಪ್ನ ಸುಷುಪ್ತಿಭ್ಯಃ

ಪರಾವಸ್ಥಾಮುಪೇಯುಷಃ |

ಕಿಂ ವಾ ಪ್ರಮಾಣಂ ಕಿಂ ಜ್ಞೇಯಮ್

ಕಿಂ ವಾ ಜ್ಞಾನಸ್ಯ ಸಾಧನಮ್ || 20-25

#ತುರ್ಯಾತೀತಪದಂ ಯತ್ತದ್

ದೂರಂ ವಾಙ್ಮನಸಾಧ್ವನಃ |

ಅನುಪ್ರವಿಶ್ಯ ತದ್ಯೋಗೀ

ನ ಭೂಯೋ ವಿಶ್ವಮೀಕ್ಷತೇ || 20-26

ನಾನ್ಯತ್ ಪಶ್ಯತಿ ಯೋಗೀಂದ್ರೋ

ನಾನ್ಯಜ್ಜಾನಾತಿ ಕಿಂಚನ |

ನಾನ್ಯಚ್ಛೃಣೋತಿ ಸಂದೃಷ್ಟೇ

ಚಿದಾನಂದಮಯೇ ಶಿವೇ || 20-27

#ಅಸದೇವ ಜಗತ್ ಸರ್ವಮ್

ಸದಿವ ಪ್ರತಿಭಾಸತೇ |

ಜ್ಞಾತೇ ಶಿವೇ ತದಜ್ಞಾನಮ್

ಸ್ವರೂಪಮುಪಪದ್ಯತೇ || 20-28

ಇತಿ ಚರಾಚರ ಲಯ ಸ್ಥಲಂ

ಅಥ # ಭಾಂಡ ಸ್ಥಲಮ್

ಬ್ರಹ್ಮಾಂಡ ಶತಕೋಟೀನಾಮ್

ಸರ್ಗಸ್ಥಿತಿಲಯಾನ್ ಪ್ರತಿ |

ಸ್ಥಾನಭೂತೋ ವಿಮರ್ಶೊ ಯಃ

ತದ್ಭಾಂಡಸ್ಥಲಮುಚ್ಯತೇ || 20-29

# ವಿಮರ್ಶಾಖ್ಯಾ ಪರಾಶಕ್ತಿಃ

ವಿಶ್ವೋದ್ಭಾಸನ ಕಾರಿಣೀ |

ಸಾಕ್ಷಿಣೀ ಸರ್ವ ಭೂತಾನಾಮ್

ಸಮಿಂಧೇ ಸರ್ವತೋಮುಖೀ || 20-30

ವಿಶ್ವಂ ಯತ್ರ ಲಯಂ ಯಾತಿ

ವಿಭಾತ್ಯಾತ್ಮಾ ಚಿದಾಕೃತಿಃ |

ಸದಾನಂದಮಯಃ ಸಾಕ್ಷಾತ್

ಸಾ ವಿಮರ್ಶಮಯೀ ಕಲಾ || 20-31

#ಪರಾಹಂತಾಸಮಾವೇಶ-

ಪರಿಪೂರ್ಣವಿಮರ್ಶವಾನ್ |

ಸರ್ವಜ್ಞಃ ಸರ್ವಗಃ ಸಾಕ್ಷೀ

ಸರ್ವಕರ್ತಾ ಮಹೇಶ್ವರಃ || 20-32

ವಿಶ್ವಾಧಾರಮಹಾಸಂವಿತ್

ಪ್ರಕಾಶಪರಿಪೂರಿತಮ್ |

ಪರಾಹಂತಾಮಯಂ ಪ್ರಾಹುಃ

ವಿಮರ್ಶಂ ಪರಮಾತ್ಮನಃ || 20-33

#ವಿಮರ್ಶಭಾಂಡವಿನ್ಯಸ್ತ-

ವಿಶ್ವತತ್ತ್ವ್ವವಿಜೃಂಭಣಃ |

ಅನನ್ಯಮುಖ ಸಂಪ್ರೇಕ್ಷೀ

ಮುಕ್ತಃ ಸ್ವಾತ್ಮನಿ ತಿಷ್ಠತಿ || 20-34

ಇತಿ ಭಾಂಡಸ್ಥಲಂ

#ಅಥ ಭಾಜನಸ್ಥಲಮ್

ಸಮಸ್ತ ಜಗ ದಂಡಾನಾಮ್

ಸರ್ಗ ಸ್ಥಿತ್ಯಂತ ಕಾರಣಮ್ |

ವಿಮರ್ಶೊ ಭಾಸತೇ ಯತ್ರ

ತದ್ ಭಾಜನಮಿಹೋಚ್ಯತೇ || 20-35

#ವಿಮರ್ಶಾಖ್ಯಾ ಪರಾಶಕ್ತಿಃ

ವಿಶ್ವವೈಚಿತ್ರ್ಯಕಾರಿಣೀ |

ಯಸ್ಮಿನ್ ಪ್ರತಿಷ್ಠಿತಾ ಬ್ರಹ್ಮ

ತದಿದಂ ವಿಶ್ವಭಾಜನಮ್ || 20-36

ಅಂತಃಕರಣರೂಪೇಣ

ಜಗದಂಕುರ ರೂಪತಃ |

ಯಸ್ಮಿನ್ ವಿಭಾತಿ ಚಿಚ್ಛಕ್ತಿಃ

ಬ್ರಹ್ಮಭೂತಃ ಸ ಉಚ್ಯತೇ || 20-37

#ಯಥಾ ಚಂದ್ರೇ ಸ್ಥಿರಾ ಜ್ಯೋತ್ಸ್ನಾ

ವಿಶ್ವವಸ್ತುಪ್ರಕಾಶಿನೀ |

ತಥಾ ಶಕ್ತಿರ್ವಿಮರ್ಶಾತ್ಮಾ

ಪ್ರಕಾರೇ ಬ್ರಹ್ಮಣಿ ಸ್ಥಿತಾ || 20-38

ಅಕಾರಃ ಶಿವ ಆಖ್ಯಾತೋ

ಹಕಾರಃ ಶಕ್ತಿರುಚ್ಯತೇ |

ಶಿವಶಕ್ತಿಮಯಂ ಬ್ರಹ್ಮ

ಸ್ಥಿತಮೇಕಮಹಂಪದೇ || 20-39

#ಅಹಂತಾಂ ಪರಮಾಂ ಪ್ರಾಪ್ಯ

ಶಿವ ಶಕ್ತಿ ಮಯೀಂ ಸ್ಥಿರಾಮ್ |

ಬ್ರಹ್ಮಭೂಯಂ ಗತೋ ಯೋಗೀ

ವಿಶ್ವಾತ್ಮಾ ಪ್ರತಿಭಾಸತೇ || 20-40

ವೃಕ್ಷಸ್ಥಂ ಪತ್ರ ಪುಷ್ಪಾದಿ

ವಟಬೀಜಸ್ಥಿತಂ ಯಥಾ |

ತಥಾ ಹೃದಯ ಬೀಜಸ್ಥಮ್

ವಿಶ್ವಮೇತತ್ ಪರಾತ್ಮನಃ || 20-41

#ಇತಿ ಭಾಜನಸ್ಥಲಂ

#ಅಥ ಅಂಗಾಲೇಪ ಸ್ಥಲಮ್ #

ದಿಕ್ ಕಾಲಾದ್ಯ ನವಚ್ಛಿನ್ನಮ್

ಚಿದಾನಂದಮಯಂ ಮಹತ್ |

ಯಸ್ಯ ರೂಪಮಿದಂ ಖ್ಯಾತಮ್

ಸೋಂಗಾಲೇಪ ಇಹೋಚ್ಯತೇ ||20-42

#ಸಮಸ್ತ ಜಗದಾತ್ಮಾಪಿ

ಸಂವಿದ್ರೂಪೋ ಮಹಾಮತಿಃ |

ಲಿಪ್ಯತೇ ನೈವ ಸಂಸಾರೈಃ

ಯಥಾ ಧೂಮಾದಿ ಭಿರ್ನಭಃ || 20-43

ನ ವಿಧಿರ್ನ ನಿಷೇಧಶ್ಚ

ನ ವಿಕಲ್ಪೋ ನ ವಾಸನಾ |

ಕೇವಲಂ ಚಿತ್ಸ್ವರೂಪಸ್ಯ

ಗಲಿತ ಪ್ರಾಕೃತಾತ್ಮನಃ || 20-44

#ಘಟಾದಿಷು ಪೃಥಗ್ಭೂತಮ್

ಯಥಾಕಾಶಂ ನ ಭಿದ್ಯತೇ |

ತಥೋಪಾಧಿಗತಂ ಬ್ರಹ್ಮ

ನಾನಾರೂಪಂ ನ ಭಿದ್ಯತೇ || 20-45

ಅನಶ್ವರ ಮ ನಿರ್ದೆಶ್ಯಮ್

ಯಥಾ ವ್ಯೋಮ ಪ್ರಕಾಶತೇ |

ತಥಾ ಬ್ರಹ್ಮಾಪಿ ಚೈತನ್ಯಮ್

ಅತ್ರ ವೈ ಶೇಷಿಕೀ ಕಲಾ || 20-46

#ನ ದೇವತ್ವಂ ನ ಮಾನುಷ್ಯಮ್

ನ ತಿರ್ಯಕ್ತ್ವಂ ನ ಚಾನ್ಯಥಾ |

ಸರ್ವಾಕಾರತ್ವ ಮಾಖ್ಯಾತಮ್

ಜೀವನ್ಮುಕ್ತಸ್ಯ ಯೋಗಿನಃ || 20-47

ಇತಿ ಅಂಗಾಲೇಪ ಸ್ಥಲಂ

ಅಥ ಸ್ವಪರಾಜ್ಞ ಸ್ಥಲಮ್

ಅಪ್ರಮೇಯೇ ಚಿದಾಕಾರೇ

ಬ್ರಹ್ಮಣ್ಯದ್ವೈತ ವೈಭವೇ |

ವಿಲೀನಃ ಕಿಂ ನು ಜಾನಾತಿ

ಸ್ವಾತ್ಮಾನಂ ಪರಮೇವ ವಾ || 20-48

#ಯತ್ರ ನಾಸ್ತಿ ಭಿದಾಯೋಗಾತ್

ಅಹಂ ತ್ವಮಿತಿ ವಿಭ್ರಮಃ |

ನ ಸಂಯೋಗೋ ವಿಯೋಗಶ್ಚ

ನ ಜ್ಞೇಯಜ್ಞಾತೃ ಕಲ್ಪನಾ || 20-49

ನ ಬಂಧೋ ನ ಚ ಮುಕ್ತಿಶ್ಚ

ನ ದೇವಾದ್ಯಭಿಮಾನಿತಾ |

ನ ಸುಖಂ ನೈವ ದುಃಖಂ ಚ

ನಾಜ್ಞಾನಂ ಜ್ಞಾನಮೇವ ವಾ || 20-50

#ನೋತ್ಕೃಷ್ಟತ್ವಂ ನ ಹೀನತ್ವಮ್

ನೋಪರಿಷ್ಟಾನ್ನ ಚಾಪ್ಯಧಃ |

ನ ಪಶ್ಚಾನ್ನೈವ ಪುರತೋ

ನ ದೂರೇ ಕಿಂಚಿದಂತರೇ || 20-51

ಸರ್ವಾಕಾರೇ ಚಿದಾನಂದೇ

ಸತ್ಯರೂಪಿಣಿ ಶಾಶ್ವತೇ |

ಪರಾಕಾಶಮಯೇ ತಸ್ಮಿನ್

ಪರೇ ಬ್ರಹ್ಮಣಿ ನಿರ್ಮಲೇ || 20-52

#ಏಕೀಭಾವ ಮುಪೇತಾನಾಮ್

ಯೋಗಿನಾಂ ಪರಮಾತ್ಮನಾಮ್ |

ಪರಾಪರಪರಿಜ್ಞಾನ-

ಪರಿಹಾಸಕಥಾ ಕುತಃ || 20-53

ದೇಶಕಾಲಾನ ವಚ್ಛಿನ್ನ-

ತೇಜೋರೂಪ ಸಮಾಶ್ರಯಾತ್ |

ಸ್ವಪರಜ್ಞಾನ ವಿರಹಾತ್

ಸ್ವಪರಾಜ್ಞಸ್ಥಲಂ ವಿದುಃ || 20-54

#ಇತಿ ಸ್ವಪರಾಜ್ಞಸ್ಥಲಂ

#ಅಥ ಭಾವಾಭಾವಲಯ ಸ್ಥಲಮ್

ತ್ವಂತಾಹಂತಾ ವಿನಿರ್ಮುಕ್ತೇ

ಶೂನ್ಯಕಲ್ಪೇ ಚಿದಂಬರೇ |

ಏಕೀಭೂತಸ್ಯ ಸಿದ್ಧಸ್ಯ

ಭಾವಾಭಾವಕಥಾ ಕುತಃ || 20-55

#ಅಹಂಭಾವಸ್ಯ ಶೂನ್ಯತ್ವಾತ್

ಅಭಾವಸ್ಯ ತಥಾತ್ಮನಃ |

ಭಾವಾಭಾವ ವಿನಿರ್ಮುಕ್ತೋ

ಜೀವನ್ಮುಕ್ತಃ ಪ್ರಕಾಶತೇ || 20-56

ಸುಖದುಃಖಾದಿಭಾವೇಷು

ನಾಭಾವೋ ಭಾವ ಏವ ವಾ |

ವಿದ್ಯತೇ ಚಿತ್ಸ್ವರೂಪಸ್ಯ

ನಿರ್ಲೆಪಸ್ಯ ಮಹಾತ್ಮನಃ || 20-57

#ಯಸ್ಮಿನ್ ಜ್ಯೋತಿಷಿ ಚಿದ್ರೂಪೇ

ದೃಶ್ಯತೇ ನೈವ ಕಿಂಚನ |

ಸದ್ರೂಪಂ ವಾಪ್ಯ ಸದ್ರೂಪಮ್

ಭಾವಾಭಾವಂ ವಿಮುಂಚತಃ || 20-58

ಪ್ರತೀಯ ಮಾನೌ ವಿದ್ಯೇತೇ

ಭಾವಾಭಾವೌ ನ ಕುತ್ರಚಿತ್ |

ಲಿಂಗೈಕ್ಯೇ ಸತಿ ಯತ್ತಸ್ಮಾದ್

ಭಾವಾಭಾವ ಲಯ ಸ್ಥಲಮ್ || 20-59

#ಇತಿ ಭಾವಾಭಾವಲಯಸ್ಥಲಂ

ಅಥ #ಜ್ಞಾನಶೂನ್ಯ ಸ್ಥಲಮ್

ಪರಾಪರ ಸಮಾಪೇಕ್ಷ-

ಭಾವಾಭಾವ ವಿವೇಚನಮ್ |

ಜ್ಞಾನಂ ಬ್ರಹ್ಮಣಿ ತನ್ನಾಸ್ತಿ

ಜ್ಞಾನ ಶೂನ್ಯ ಸ್ಥಲಂ ವಿದುಃ || 20-60

#ಜಲೇ ಜಲಮಿವ ನ್ಯಸ್ತಮ್

ವಹ್ನೌ ವಹ್ನಿ ರಿವಾರ್ಪಿತಮ್ |

ಪರೇ ಬ್ರಹ್ಮಣಿ ಲೀನಾತ್ಮಾ

ವಿಭಾಗೇನ ನ ದೃಶ್ಯತೇ || 20-61

ಸರ್ವಾತ್ಮನಿ ಪರೇ ತತ್ತ್ವೇ

ಭೇದಶಂಕಾ ವಿವರ್ಜಿತೇ |

ಜ್ಞಾತ್ರಾ ದಿವ್ಯ ವಹಾರೋತ್ಥಮ್

ಕುತೋ ಜ್ಞಾನಂ ವಿಭಾವ್ಯತೇ || 20-62

#ನಿರ್ವಿಕಾರಂ ನಿರಾಕಾರಮ್

ನಿತ್ಯಂ ಸೀಮಾ ವಿವರ್ಜಿತಮ್ |

ವ್ಯೋಮವತ್ಪರಮಂ ಬ್ರಹ್ಮ

ನಿರ್ವಿಕಲ್ಪತಯಾ ಸ್ಥಿತಮ್ || 20-63

ನ ಪೃಥ್ವ್ಯಾದೀನಿ ಭೂತಾನಿ

ನ ಗ್ರಹಾ ನೈವ ತಾರಕಾಃ |

ನ ದೇವಾ ನ ಮನುಷ್ಯಾಶ್ಚ

ನ ತಿರ್ಯಂಚೋ ನ ಚಾಪರೇ || 20-64

#ತಸ್ಮಿನ್ ಕೇವಲ ಚಿನ್ಮಾತ್ರ –

ಸತ್ತಾನಂದೈಕ ಲಕ್ಷಣೇ |

ತ್ವಂತಾ ಹಂತಾದಿ ಸಂರೂಢಮ್

ವಿಜ್ಞಾನಂ ಕೇನ ಭಾವ್ಯತೇ || 20-65

ಜ್ಞೇಯಾಭಾವಾದ್ವಿ ಶೇಷೇಣ

ಶೂನ್ಯಕಲ್ಪಂ ವಿಭಾವ್ಯತೇ |

ಜ್ಞಾತೃಜ್ಞೇಯಾದಿಭಿಃ ಶೂನ್ಯಮ್

ಶೂನ್ಯಂ ಜ್ಞಾನಾದಿಭಿರ್ಗುಣೈಃ || 20-66

#ಆದಾವಂತೇ ಚ ಮಧ್ಯೇ ಚ

ಶೂನ್ಯಂ ಸರ್ವತ್ರ ಸರ್ವದಾ |

ದ್ವಿತೀಯೇನ ಪದಾರ್ಥೆನ

ಶೂನ್ಯಂ ಶೂನ್ಯಂ ವಿಭಾವ್ಯತೇ || 20-67

ಕೇವಲಂ ಸಚ್ಚಿದಾನಂದ-

ಪ್ರಕಾಶಾದ್ವಯ ಲಕ್ಷಣಮ್ |

ಶೂನ್ಯಕಲ್ಪಂ ಪರಾಕಾಶಮ್

ಪರಬ್ರಹ್ಮ ಪ್ರಕಾಶತೇ || 20-68

#ಶೂನ್ಯಜ್ಞಾನಾದಿಸಂಕಲ್ಪೇ

ಶೂನ್ಯಸರ್ವಾರ್ಥಸಾಧನೇ |

ಜ್ಯೋತಿರ್ಲಿಂಗೇ ಚಿದಾಕಾರೇ

ಸ್ವಪ್ರಕಾಶೇ ನಿರುತ್ತರೇ ||

ಏಕೀಭಾವ ಮುಪೇತಸ್ಯ

ಕಥಂ ಜ್ಞಾನಸ್ಯ ಸಂಭವಃ || 20-69

#ಯಸ್ಯ ಕಾರ್ಯದಶಾ ನಾಸ್ತಿ

ಕಾರಣತ್ವಮಥಾಪಿ ವಾ |

ಶೇಷತ್ವಂ ನೈವ ಶೇಷಿತ್ವಮ್

ಸ ಮುಕ್ತಃ ಪರ ಉಚ್ಯತೇ || 20-70

ಇತಿ ಜ್ಞಾನಶೂನ್ಯಸ್ಥಲಂ

ಶಾಸ್ತ್ರೋಪಸಂಹಾರಃ

ಶಿವೈಕ್ಯ ಸ್ಥಲಮ್

ಏತಾವದುಕ್ತ್ವಾ ಪರಮ ಪ್ರಬೋಧಮ್

ಅದ್ವೈತಮಾನಂದ ಶಿವ ಪ್ರಕಾಶಮ್ |

ದೇವ್ಯೈ ಪುರಾ ಭಾಷಿತಮೀಶ್ವರೇಣ

ತೂಷ್ಣೀ ಮಭೂದ್ಧ್ಯಾನ ಪರೋ ಗಣೇಂದ್ರಃ || 20-71

#ಏವ ಮುಕ್ತ್ವಾ ಸಮಾಸೀನಮ್

ಶಿವಯೋಗ ಪರಾಯಣಮ್ |

ರೇಣುಕಂ ತಂ ಸಮಾಲೋಕ್ಯ

ಬಭಾಷೇ ಪ್ರಾಂಜಲಿರ್ಮುನಿಃ || 20-72

|| ಅಗಸ್ತ್ಯ ಉವಾಚ ||

ಶಿವಯೋಗ ವಿಶೇಷಜ್ಞ

ಶಿವಜ್ಞಾನ ಮಹೋದಧೇ |

ಸಮಸ್ತವೇದ ಶಾಸ್ತ್ರಾದಿ-

ವ್ಯವಹಾರ ಧುರಂಧರ || 20-73

#ಆಲೋಕ ಮಾತ್ರ ನಿರ್ಧೂತ-

ಸರ್ವ ಸಂಸಾರ ಬಂಧನ:|

ಸ್ವಚ್ಛಂದ ಚರಿತೋಲ್ಲಾಸ

ಸ್ವಪ್ರಕಾಶಾತ್ಮ ವಚ್ಛಿವ || 20-74

ಅವತೀರ್ಣಮಿದಂ ಶಾಸ್ತ್ರಮ್

ಅನವದ್ಯಂ ತ್ವದಾನನಾತ್ |

ಶ್ರುತ್ವಾ ಮೇ ಮೋದತೇ ಚಿತ್ತಮ್

ಜ್ಯೋತಿಃ ಪಶ್ಯೇ ಶಿವಾಭಿಧಮ್ || 20-75

#ಅದ್ಯ ಮೇ ಸಫಲಂ ಜನ್ಮ

ಗತೋ ಮೇ ಚಿತ್ತ ವಿಭ್ರಮಃ |

ಸಂಜಾತಾ ಪಾಶವಿಚ್ಛಿತ್ತಿಃ

ತಪಾಂಸಿ ಫಲಿತಾನಿ ಚ || 20-76

ಇದಾನೀ ಮೇವ ಮೇ ಜಾತಮ್

ಮುನಿರಾಜೋತ್ತಮೋತ್ತಮಮ್|

ಇತಃಪರಂ ಮಯಾ ನಾಸ್ತಿ

ಸದೃಶೋ ಭುವನತ್ರಯೇ || 20-77

#ಶಾಸ್ತ್ರಂ ತವ ಮುಖೋದ್ಗೀರ್ಣಮ್

ಶಿವಾದ್ವೈತ ಪರಂ-ಪರಮ್ |

ಮಾಂ ವಿನಾ ಕಸ್ಯ ಲೋಕೇಷು

ಶ್ರೋತು ಮಸ್ತಿ ತಪಃ ಶುಭಮ್ || 20-78

ತಪಸಾಂ ಪರಿಪಾಕೇನ

ಶಂಕರಸ್ಯ ಪ್ರಸಾದತಃ |

ಆಗತಸ್ತ್ವಂ ಮಹಾಭಾಗ

ಮಾಂ ಕೃತಾರ್ಥಯಿತುಂ ಗಿರಾ ||20-79

#|| ಶ್ರೀ ರೇಣುಕ ಉವಾಚ ||

ಅಗಸ್ತ್ಯಂ ಮುನಿಪುಂಗವಮ್ |

ಆಲೋಕ್ಯ ಕರುಣಾದೃಷ್ಟ್ಯಾ

ಬಭಾಷೇ ಸ ಗಣೇಶ್ವರಃ || 20-80

ಅಗಸ್ತ್ಯ ಮುನಿಶಾರ್ದೂಲ

ತಪಸ್ಸಿದ್ಧ ಮನೋರಥ |

ತ್ವಾಂ ವಿನಾ ಶಿವಶಾಸ್ತ್ರಸ್ಯ

ಕಃ ಶ್ರೋತುಮಧಿಕಾರವಾನ್ || 20-81

#ಪಾತ್ರಂ ಶಿವಪ್ರಸಾದಸ್ಯ

ಭವಾನೇಕೋ ನ ಚಾಪರಃ |

ಇತಿ ನಿಶ್ಚಿತ್ಯ ಕಥಿತಮ್

ಮಯಾ ತೇ ತಂತ್ರಮೀದೃಶಮ್ ||20-82

ಸ್ಥಾಪ್ಯತಾಂ ಸರ್ವಲೋಕೇಷು

ತಂತ್ರಮೇತತ್ ತ್ವ್ವಯಾ ಮುನೇ |

ಈದೃಶಂ ಶಿವಬೋಧಸ್ಯ

ಸಾಧನಂ ನಾಸ್ತಿ ಕುತ್ರಚಿತ್ || 20-83

#ರಹಸ್ಯಮೇತತ್ ಸರ್ವಜ್ಞಃ

ಸರ್ವಾನುಗ್ರಾಹಕಃ ಶಿವಃ |

ಅವಾದೀತ್ ಸರ್ವಲೋಕಾನಾಮ್

ಸಿದ್ಧಯೇ ಪಾರ್ವತೀಪತಿಃ || 20-84

ತದಿದಂ ಶಿವಸಿದ್ಧಾಂತ-

ಸಾರಾಣಾ ಮುತ್ತಮೋತ್ತಮಮ್ |

ವೇದವೇದಾಂತ ಸರ್ವಸ್ವಮ್

ವಿದ್ಯಾಚಾರ ಪ್ರವರ್ತಕಮ್ || 20-85

#ವೀರಮಾಹೇಶ್ವರ ಗ್ರಾಹ್ಯಮ್

ಶಿವಾದ್ವೈತಪ್ರಕಾಶಕಮ್ |

ಪರೀಕ್ಷಿತೇಭ್ಯೋ ದಾತವ್ಯಮ್

ಶಿಷ್ಯೇಭ್ಯೋ ನಾನ್ಯಥಾ ಕ್ವಚಿತ್ || 20-86

ಏತಚ್ಛ್ರವಣ ಮಾತ್ರೇಣ

ಸರ್ವೆಷಾಂ ಪಾಪಸಂಕ್ಷಯಃ |

#ಅವತೀರ್ಣಂ ಮಯಾ ಭೂಮೌ

ಶಾಸ್ತ್ರಸ್ಯಾಸ್ಯ ಪ್ರವೃತ್ತಯೇ |

ಪ್ರವರ್ತಯ ಶಿವಾದ್ವೈತಮ್

ತ್ವಮಪಿ ಜ್ಞಾನಮೀದೃಶಮ್ || 20-87

ಇತಿ #ಶಿವೈಕ್ಯಸ್ಥಲಂ

ಓಂ ತತ್ಸತ್ ಇತಿ

ಶ್ರೀ ಶಿವಗಿತೇಷು ಸಿದ್ದಾಂತಾಗಮೇಷು

ಶಿವಾದ್ವೈತ ವಿದ್ಯಾಯಾಂ ಶಿವಯೋಗಶಾಸ್ತ್ರೇ

ಶ್ರೀರೇಣುಕಾಗಸ್ತ್ಯಸಂವಾದೇ ವೀರಶೈವಧರ್ಮನಿರ್ಣಯೇ

ಶ್ರೀಶಿವಯೋಗಿ ಶಿವಾಚಾರ್ಯವಿರಚಿತೇ ಶ್ರೀಸಿದ್ಧಾಂತಶಿಖಾಮಣೌ ಲಿಂಗಸ್ಥಲಾಂತರ್ಗತ ಐಕ್ಯಸ್ಥಲೇ

ಸ್ವೀಕೃತಪ್ರಸಾದಿಸ್ಥಲಾದಿ ನವವಿಧಸ್ಥಲ ಪ್ರಸಂಗೋ ನಾಮ ವಿಂಶತಿತಮಪರಿಚ್ಛೇದಃ.||