|| ಶ್ರೀ ರೇಣುಕ ಉವಾಚ ||

ಧೃತಶ್ರೀಭೂತಿ ರುದ್ರಾಕ್ಷಃ

ಪ್ರಯತೋ ಲಿಂಗಧಾರಕಃ |

ಜಪೇತ್ ಪಂಚಾಕ್ಷರೀವಿದ್ಯಾಮ್

ಶಿವತತ್ತ್ವಪ್ರಬೋಧಿನೀಮ್ || 8-1

#ಶಿವತತ್ತ್ವಾತ್ ಪರಂ ನಾಸ್ತಿ

ಯಥಾ ತತ್ತ್ವಾಂತರಂ ಮಹತ್ |

ತಥಾ ಪಂಚಾಕ್ಷರೀಮಂತ್ರಾತ್

ನಾಸ್ತಿ ಮಂತ್ರಾಂತರಂ ಮಹತ್ || 8-2

ಜ್ಞಾತೇ ಪಂಚಾಕ್ಷರೀಮಂತ್ರೇ

ಕಿಂ ವಾ ಮಂತ್ರಾಂತರೈಃ ಫಲಮ್ |

ಜ್ಞಾತೇ ಶಿವೇ ಜಗನ್ಮೂಲೇ

ಕಿಂ ಫಲಂ ದೇವತಾಂತರೈಃ || 8-3

#ಸಪ್ತಕೋಟಿಷು ಮಂತ್ರೇಷು

ಮಂತ್ರಃ ಪಂಚಾಕ್ಷರೋ ಮಹಾನ್ |

ಬ್ರಹ್ಮವಿಷ್ಣ್ವಾದಿದೇವೇಷು

ಯಥಾ ಶಂಭುರ್ಮಹತ್ತರಃ || 8-4

ಅಶೇಷಜಗತಾಂ ಹೇತುಃ

ಪರಮಾತ್ಮಾ ಮಹೇಶ್ವರಃ |

ತಸ್ಯ ವಾಚಕಮಂತ್ರೋಯಮ್

ಸರ್ವಮಂತ್ರೈಕ ಕಾರಣಮ್ || 8-5

#ತಸ್ಯಾಭಿಧಾನಮಂತ್ರೋಯಮ್

ಅಭಿಧೇಯಶ್ಚ ಸ ಸ್ಮೃತಃ |

ಅಭಿಧಾನಾಭಿಧೇಯತ್ವಾತ್

ಮಂತ್ರಾತ್ ಸಿದ್ಧಃ ಪರಃ ಶಿವಃ || 8-6

ನಮಃ ಶಬ್ದಂ ವದೇತ್ ಪೂರ್ವಮ್

ಶಿವಾಯೇತಿ ತತಃ ಪರಮ್ |

ಮಂತ್ರಃ ಪಂಚಾಕ್ಷರೋ ಹ್ಯೇಷ

ಸರ್ವಶ್ರುತಿ ಶಿರೋಗತಃ || 8-7

#ಆದಿತಃ ಪರಿಶುದ್ಧತ್ವಾತ್

ಮಲತ್ರಯ ವಿಯೋಗತಃ |

ಶಿವ ಇತ್ಯುಚ್ಯತೇ ಶಂಭುಃ

ಚಿದಾನಂದ ಘನಃ ಪ್ರಭುಃ || 8-8

ಆಸ್ಪ ದತ್ವಾದ ಶೇಷಾಣಾಮ್

ಮಂಗಲಾನಾಂ ವಿಶೇಷತಃ |

ಶಿವಶಬ್ದಾಭಿ ಧೇಯೋ ಹಿ

ದೇವದೇವ ಸ್ತ್ರಿಯಂಬಕಃ || 8-9

#ಶಿವ ಇತ್ಯಕ್ಷರ ದ್ವಂದ್ವಮ್

ಪರಬ್ರಹ್ಮಪ್ರಕಾಶಕಮ್ |

ಮುಖ್ಯವೃತ್ತ್ಯಾ ತದನ್ಯೇಷಾಮ್

ಶಬ್ದಾನಾಂ ಗುಣವೃತ್ತಯಃ || 8-10

ತಸ್ಮಾನ್ಮುಖ್ಯತರಂ ನಾಮ

ಶಿವ ಇತ್ಯಕ್ಷರದ್ವಯಮ್ |

ಸಚ್ಚಿದಾನಂದ ರೂಪಸ್ಯ

ಶಂಭೋ ರಮಿತ ತೇಜಸಃ |

ಏತನ್ನಾಮಾವಲಂಬೇನ

ಮಂತ್ರಃ ಪಂಚಾಕ್ಷರಃ ಸ್ಮೃತಃ || 8-11

#ಯಸ್ಮಾದತಃ ಸದಾ ಜಪ್ಯೋ

ಮೋಕ್ಷಾಕಾಂಕ್ಷಿ ಭಿ ರಾದರಾತ್ || 8-12

ಯಥಾನಾದಿರ್ಮಹಾದೇವಃ

ಸಿದ್ಧಃ ಸಂಸಾರಮೋಚಕಃ |

ತಥಾ ಪಂಚಾಕ್ಷರೋ ಮಂತ್ರಃ

ಸಂಸಾರ ಕ್ಷಯ ಕಾರಕಃ || 8-13

#ಪಂಚಭೂತಾನಿ ಸರ್ವಾಣಿ

ಪಂಚ ತನ್ಮಾತ್ರಕಾಣಿ ಚ |

ಜ್ಞಾನೇಂದ್ರಿಯಾಣಿ ಪಂಚಾಪಿ

ಪಂಚ ಕರ್ಮೆಂದ್ರಿಯಾಣಿ ಚ || 8-14

ಪಂಚ ಬ್ರಹ್ಮಾಣಿ ಪಂಚಾಪಿ

ಕೃತ್ಯಾನಿ ಸಹಕಾರಣೈಃ |

ಬೋಧ್ಯಾನಿ ಪಂಚ ಭಿರ್ವರ್ಣೆಃ

ಪಂಚಾಕ್ಷರ ಮಹಾಮನೋಃ || 8-15

#ಪಂಚಧಾ ಪಂಚಧಾ ಯಾನಿ

ಪ್ರಸಿದ್ಧಾನಿ ವಿಶೇಷತಃ |

ತಾನಿ ಸರ್ವಾಣಿ ವಸ್ತೂನಿ

ಪಂಚಾಕ್ಷರಮಯಾನಿ ಹಿ || 8-16

ಓಂಕಾರಪೂರ್ವೊ ಮಂತ್ರೋಯಮ್

ಪಂಚಾಕ್ಷರ ಮಯಃ ಪರಃ |

ಶೈವಾಗಮೇಷು ವೇದೇಷು

ಷಡಕ್ಷರ ಇತಿ ಸ್ಮೃತಃ || 8-17

#ಮಂತ್ರ ನ್ಯಾಸಾದಿ ಭೂತೇನ

ಪ್ರಣವೇನ ಮಹಾಮನೋಃ |

ಪ್ರಬೋಧ್ಯತೇ ಮಹಾದೇವಃ

ಕೇವಲಶ್ಚಿತ್ಸುಖಾತ್ಮಕಃ || 8-18

ಪ್ರಣವೇನೈ ಕವರ್ಣೆನ

ಪರಬ್ರಹ್ಮ ಪ್ರಕಾಶ್ಯತೇ |

ಅದ್ವಿತೀಯಂ ಪರಾನಂದಮ್

ಶಿವಾಖ್ಯಂ ನಿಷ್ಪ್ರಪಂಚಕಮ್ || 8-19

#ಪರಮಾತ್ಮಮನುರ್ಜ್ಞೆಯಃ

ಸೋಹಂರೂಪಃ ಸನಾತನಃ |

ಜಾಯತೇ ಹಂಸಯೋರ್ ಲೋಪಾತ್

ಓಮಿತ್ಯೇಕಾಕ್ಷರೋ ಮನುಃ || 8-20

ಪ್ರಣವೇನೈವ ಮಂತ್ರೇಣ

ಬೋಧ್ಯತೇ ನಿಷ್ಕಲಃ ಶಿವಃ |

ಪಂಚಾಕ್ಷರೇಣ ಮಂತ್ರೇಣ

ಪಂಚಬ್ರಹ್ಮ ತನುಸ್ತಥಾ || 8-21

#ನಿಷ್ಕಲಃ ಸಂವಿದಾಕಾರಃ

ಸಕಲೋ ವಿಶ್ವಮೂರ್ತಿಕಃ |

ಉಭಯಾತ್ಮಾ ಶಿವೋ ಮಂತ್ರೇ

ಷಡಕ್ಷರಮಯೇ ಸ್ಥಿತಃ || 8-22

ಮೂಲಂ ವಿದ್ಯಾ ಶಿವಃ ಶೈವಂ

ಸೂತ್ರಂ ಪಂಚಾಕ್ಷರ ಸ್ತಥಾ |

ಏತಾನಿ ನಾಮಧೇಯಾನಿ

ಕೀರ್ತಿತಾನಿ ಮಹಾಮನೋಃ ||8-23

#ಪಂಚಾಕ್ಷರೀಮಿಮಾಂ ವಿದ್ಯಾಮ್

ಪ್ರಣವೇನ ಷಡಕ್ಷರೀಮ್ |

ಜಪೇತ್ ಸಮಾಹಿತೋ ಭೂತ್ವಾ

ಶಿವಪೂಜಾಪರಾಯಣಃ || 8-24

ಪ್ರಾಣಾಯಾ ಮತ್ರಯಂ ಕೃತ್ವಾ

ಪ್ರಾಙ್ಮುಖೋದಙ್ಮುಖೋಪಿ ವಾ |

ಚಿಂತಯನ್ ಹೃದಯಾಂಭೋಜೇ

ದೇವದೇವಂ ತ್ರಿಯಂಬಕಮ್ || 8-25

#ಸರ್ವಾಲಂಕಾರಸಂಯುಕ್ತಮ್

ಸಾಂಬಂ ಚಂದ್ರಾರ್ಧಶೇಖರಮ್ |

ಜಪೇದೇತಾಂ ಮಹಾವಿದ್ಯಾಮ್

ಶಿವರೂಪಾಮನನ್ಯಧೀಃ || 8-26

ಜಪಸ್ತು ತ್ರಿವಿಧಃ ಪ್ರೋಕ್ತೋ

ವಾಚಿಕೋಪಾಂಶುಮಾನಸಃ |

ಶ್ರೂಯತೇ ಯಸ್ತು ಪಾಶ್ರ್ವಸ್ಥೈಃ

ಯಥಾ ವರ್ಣ ಸಮನ್ವಯಃ || 8-27

#ವಾಚಿಕಃ ಸ ತು ವಿಜ್ಞೇಯಃ

ಸರ್ವಪಾಪ ಪ್ರಭಂಜನಃ |

ಈಷತ್ ಸ್ಪ್ರುಷ್ಟ್ವಾ ಧರ ಪುಟಮ್

ಯೋ ಮಂದಮ್ ಅಭಿಧೀಯತೇ || 8-28

ಪಾಶ್ರ್ವಸ್ಥೈರ ಶ್ರುತಃ ಸೋಯಮ್

ಉಪಾಂಶುಃ ಪರಿಕೀರ್ತಿತಃ |

ಅಸ್ಪೃಷ್ಟ್ವಾ ಧರಮಸ್ಪಂದಿ|

ಜಿಹ್ವಾಗ್ರಂ ಯೋಂತರಾತ್ಮನಾ |

ಭಾವ್ಯತೇ ವರ್ಣರೂಪೇಣ

ಸಮಾನಸ ಇತಿ ಸ್ಮೃತಃ || 8-29

#ಯಾವಂತಃ ಕರ್ಮ ಯಜ್ಞಾದ್ಯಾ

ವ್ರತದಾನ ತಪಾಂಸಿ ಚ |

ಸರ್ವೆ ತೇ ಜಪಯಜ್ಞಸ್ಯ

ಕಲಾಂ ನಾರ್ಹಂತಿ ಷೋಡಶೀಮ್ || 8-30

ಮಾಹಾತ್ಮ್ಯಂ ವಾಚಿಕಸ್ಯೈತತ್

ಜಪಯಜ್ಞಸ್ಯ ಕೀರ್ತಿತಮ್ |

ತಸ್ಮಾಚ್ಛತಗುಣೋಪಾಂಶುಃ

ಸಹಸ್ರೋ ಮಾನಸಃ ಸ್ಮೃತಃ|31

#ವಾಚಿಕಾತ್ ತದುಪಾಂಶೋಶ್ಚ

ಜಪಾದಸ್ಯ ಮಹಾಮನೋಃ |

ಮಾನಸೋ ಹಿ ಜಪಃ ಶ್ರೇಷ್ಠೋ

ಘೋರಸಂಸಾರನಾಶಕಃ || 8-32

ಏತೇಷ್ವೇಕೇನ ವಿಧಿನಾ

ಯಥಾಭಾವಂ ಯಥಾಕ್ರಮಮ್ |

ಜಪೇತ್ ಪಂಚಾಕ್ಷರೀಮೇತಾಮ್

ವಿದ್ಯಾಂ ಪಾಶವಿಮುಕ್ತಯೇ || 8-33

#ಅನೇನ ಮೂಲಮಂತ್ರೇಣ

ಶಿವಲಿಂಗಂ ಪ್ರಪೂಜಯೇತ್ |

ನಿತ್ಯಂ ನಿಯಮಸಂಪನ್ನಃ

ಪ್ರಯತಾತ್ಮಾ ಶಿವಾತ್ಮಕಃ || 8-34

ಭಕ್ತ್ಯಾ ಪಂಚಾಕ್ಷರೇಣೈವ

ಯಃ ಶಿವಂ ಸಕೃದರ್ಚಯೇತ್ |

ಸೋಪಿ ಗಚ್ಛೇಚ್ಛಿವಸ್ಥಾನಮ್

ಮಂತ್ರಸ್ಯಾಸ್ಯೈವ ಗೌರವಾತ್ || 8-35

#ಅಬ್ಭಕ್ಷಾ ವಾಯುಭಕ್ಷಾಶ್ಚ

ಯೇ ಚಾನ್ಯೇ ವ್ರತ ಕರ್ಷಿತಾಃ |

ತೇಷಾಮೇತೈವ್ರತೈರ್ನಾಸ್ತಿ

ಶಿವಲೋಕಸಮಾಗಮಃ || 8-36

ತಸ್ಮಾತ್ತಪಾಂಸಿ ಯಜ್ಞಾಶ್ಚ

ವ್ರತಾನಿ ನಿಯಮಾಸ್ತಥಾ |

ಪಂಚಾಕ್ಷರಾರ್ಚನಸ್ಯೈತೇ

ಕೋಟ್ಯಂಶೇನಾಪಿ ನೋ ಸಮಾಃ || 8-37

#ಅಶುದ್ಧೋ ವಾ ವಿಶುದ್ಧೋ ವಾ

ಸಕೃತ್ ಪಂಚಾಕ್ಷರೇಣ ಯಃ |

ಪೂಜಯೇತ್ ಪತಿತೋ ವಾಪಿ

ಮುಚ್ಯತೇ ನಾತ್ರ ಸಂಶಯಃ || 8-38

ಸಕೃದುಚ್ಚಾರಮಾತ್ರೇಣ

ಪಂಚಾಕ್ಷರಮಹಾಮನೋಃ |

ಸರ್ವೆಷಾಮಪಿ ಜಂತೂನಾಮ್

ಸರ್ವಪಾಪಕ್ಷಯೋ ಭವೇತ್ || 8-39

#ಅನ್ಯೇಪಿ ಬಹವೋ ಮಂತ್ರಾ

ವಿದ್ಯಂತೇ ಸಕಲಾಗಮೇ |

ಭೂಯೋ ಭೂಯಃ ಸಮಭ್ಯಾಸಾತ್

ಪುರುಷಾರ್ಥಪ್ರದಾಯಿನಃ || 8-40

ಏಷ ಮಂತ್ರೋ ಮಹಾಶಕ್ತಿಃ

ಈಶ್ವರಪ್ರತಿಪಾದಕಃ |

ಸಕೃದುಚ್ಚಾರಣಾದೇವ

ಸರ್ವಸಿದ್ಧಿಪ್ರದಾಯಕಃ || 8-41

#ಪಂಚಾಕ್ಷರೀಂ ಸಮುಚ್ಚಾರ್ಯ

ಪುಷ್ಪಂ ಲಿಂಗೇ ವಿನಿಕ್ಷಿಪೇತ್ |

ಯಸ್ತಸ್ಯ ವಾಜಪೇಯಾನಾಮ್

ಸಹಸ್ರಫಲಮಿಷ್ಯತೇ || 8-42

ಅಗ್ನಿಹೋತ್ರಂ ತ್ರಯೋ ವೇದಾ

ಯಜ್ಞಾಶ್ಚ ಬಹುದಕ್ಷಿಣಾಃ |

ಪಂಚಾಕ್ಷರಜಪಸ್ಯೈತೇ

ಕೋಟ್ಯಂಶೇನಾಪಿ ನೋ ಸಮಾಃ || 8-43

#ಪುರಾ ಸಾನಂದಯೋಗೀಂದ್ರಃ

ಶಿವಜ್ಞಾನಪರಾಯಣಃ |

ಪಂಚಾಕ್ಷರಂ ಸಮುಚ್ಚಾರ್ಯ

ನಾರಕಾನುದತಾರಯತ್ || 8-44

ಸಿದ್ಧ್ಯಾ ಪಂಚಾಕ್ಷರಸ್ಯಾಸ್ಯ

ಶತಾನಂದಃ ಪುರಾ ಮುನಿಃ |

ನರಕಂ ಸ್ವರ್ಗಮಕರೋತ್

ಸಂಗಿರಸ್ಯಾಪಿ ಪಾಪಿನಃ || 8-45

#ಉಪಮನ್ಯುಃ ಪುರಾ ಯೋಗೀ

ಮಂತ್ರೇಣಾನೇನ ಸಿದ್ಧಿಮಾನ್ |

ಲಬ್ಧವಾನ್ ಪರಮೇಶಾನಾತ್

ಶೈವಶಾಸ್ತ್ರಪ್ರವಕ್ತೃತಾಮ್ || 8-46

ವಸಿಷ್ಠವಾಮದೇವಾದ್ಯಾ

ಮುನಯೋ ಮುಕ್ತಕಿಲ್ಬಿಷಾಃ |

ಮಂತ್ರೇಣಾನೇನ ಸಂಸಿದ್ಧಾ

ಮಹಾತೇಜಸ್ವಿನೋಭವನ್ || 8-47

#ಬ್ರಹ್ಮಾದೀನಾಂ ಚ ದೇವಾನಾಮ್

ಜಗತ್ಸೃಷ್ಟ್ಯಾದಿಕರ್ಮಣಿ |

ಮಂತ್ರಸ್ಯಾಸ್ಯೈವ ಮಾಹಾತ್ಮ್ಯಾತ್

ಸಾಮಥ್ರ್ಯಮುಪಜಾಯತೇ || 8-48

ಕಿಮಿಹ ಬಹುಭಿರುಕ್ತೈರ್

ಮಂತ್ರಮೇವಂ ಮಹಾತ್ಮಾ

ಪ್ರಣವ ಸಹಿತಮಾದೌ

ಯಸ್ತು ಪಂಚಾಕ್ಷರಾಖ್ಯಮ್ |

#ಜಪತಿ ಪರಮಭಕ್ತ್ಯಾ

ಪೂಜಯನ್ ದೇವದೇವಮ್

ಸಗತ ದುರಿತಬಂಧೋ

ಮೋಕ್ಷಲಕ್ಷ್ಮೀಂ ಪ್ರಯಾತಿ || 8-49

ಓಂ ತತ್ಸತ್ ಇತಿ

ಶ್ರೀ ಶಿವಗೀತೇಷು ಸಿದ್ಧಾಂತಾಗಮೇಷು ಶಿವಾದ್ವೈತ ವಿದ್ಯಾಯಾಂ ಶಿವಯೋಗಶಾಸ್ತ್ರೇ

ಶ್ರೀ ರೇಣುಕಾಗಸ್ತ್ಯಸಂವಾದೇ

ವೀರಶೈವಧರ್ಮ ನಿರ್ಣಯೇ ಶಿವಯೋಗಿ ಶಿವಾಚಾರ್ಯ ವಿರಚಿತೇ

ಶ್ರೀಸಿದ್ಧಾಂತಶಿಖಾಮಣೌ ಭಕ್ತಸ್ಥಲೇ ಪಂಚಾಕ್ಷರ ಜಪಸ್ಥಲಪ್ರಸಂಗೋ ನಾಮ

ಅಷ್ಟಮಃ ಪರಿಚ್ಛೇದಃ ||