ಸಪ್ತಮಃ ಪರಿಚ್ಛೇದಃ -

ಅಥ ಭಸ್ಮಧಾರಣಸ್ಥಲಮ್ (45 ಶ್ಲೋಕಗಳು)

ಭಸ್ಮಧಾರಣ ಸಂಯುಕ್ತಃ

ಪವಿತ್ರೋ ನಿಯತಾಶಯಃ |

ಶಿವಾಭಿಧಾನಂ ಯತ್ಪ್ರೋಕ್ತಮ್

ಭಾಸನಾದ್ಭಸಿತಂ ತಥಾ || 7-1

#ಮಹಾಭಸ್ಮೇತಿ ಸಂಚಿಂತ್ಯ

ಮಹಾದೇವಂ ಪ್ರಭಾಮಯಮ್ |

ವರ್ತಂತೇ ಯೇ ಮಹಾಭಾಗಾಃ

ಮುಖ್ಯಾಸ್ತೇ ಭಸ್ಮಧಾರಿಣಃ || 7-2

ಶಿವಾಗ್ನ್ಯಾದಿಸಮುತ್ಪನ್ನಮ್

ಮಂತ್ರನ್ಯಾಸಾದಿಯೋಗತಃ |

ತದುಪಾಧಿಕಮಿತ್ಯಾಹುಃ

ಭಸ್ಮತಂತ್ರ ವಿಶಾರದಾಃ || 7-3

#ವಿಭೂತಿರ್ ಭಸಿತಂ ಭಸ್ಮ

ಕ್ಷಾರಂ ರಕ್ಷೇತಿ ಭಸ್ಮನಃ |

ಏತಾನಿ ಪಂಚನಾಮಾನಿ

ಹೇತುಭಿಃ ಪಂಚಭಿರ್ ಭೃಶಮ್ || 7-4

ವಿಭೂತಿರ್ ಭೂತಿ ಹೇ ತತ್ ವಾತ್

ಭಸಿತಂ ತತ್ತ್ವಭಾಸನಾತ್ |

ಪಾಪಾನಾಂ ಭರ್ತಸ್ ನಾದ್ಭಸ್ಮ

ಕ್ಷರಣಾತ್ ಕ್ಷಾರಮಾಪದಾಮ್ |

ರಕ್ಷಣಾತ್ ಸರ್ವಭೂತೇಭ್ಯೋ

ರಕ್ಷೇತಿ ಪರಿಗೀಯತೇ || 7-5

#ನಂದಾ ಭದ್ರಾ ಚ ಸುರಭಿಃ

ಸುಶೀಲಾ ಸುಮನಾ ಸ್ತಥಾ |

ಪಂಚ ಗಾವೋ ವಿಭೋರ್ಜಾತಾಃ

ಸದ್ಯೋಜಾತಾದಿ ವಕ್ತ್ರತಃ || 7-6

ಕಪಿಲಾ ಕೃಷ್ಣಾ ಧವಲಾ

ಧೂಮ್ರಾ ರಕ್ತಾ ತಥೈವ ಚ |

ನಂದಾ ದೀನಾಂ ಗವಾಂ ವರ್ಣಾಃ

ಕ್ರಮೇಣ ಪರಿ ಕೀರ್ತಿ ತಾಃ || 7-7

ಸದ್ಯೋಜಾತಾ ದಿ ವಿಭೂತಿಶ್ಚ

ವಾಮಾದ್ಭಸಿತ ಮೇವ ಚ || 7-8

#ಅಘೋರಾದ್ಭಸ್ಮ ಸಂಜಾತಮ್

ತತ್ಪುರುಷಾತ್ ಕ್ಷಾರಮೇವ ಚ |

ರಕ್ಷಾ ಚೇಶಾನವಕ್ತ್ರಾಚ್ಚ

ನಂದಾದಿದ್ವಾರ ತೋಭವತ್ || 7-9

ಧಾರಯೇನ್ನಿತ್ಯ ಕಾರ್ಯೇಷು

ವಿಭೂತಿಂ ಚ ಪ್ರಯತ್ನತಃ |

ನೈಮಿತ್ತಿಕೇಷು ಭಸಿತಮ್

ಕ್ಷಾರಂ ಕಾಮ್ಯೇಷು ಸರ್ವದಾ || 7-10

#ಪ್ರಾಯಶ್ಚಿತ್ತೇಷು ಸರ್ವೆಷು

ಭಸ್ಮ ನಾಮ ಯಥಾವಿಧಿ |

ರಕ್ಷಾ ಚ ಮೋಕ್ಷ ಕಾರ್ಯೆಷು

ಪ್ರಯೋಕ್ತವ್ಯಾ ಸದಾ ಬುಧೈಃ || 7-11

ನಂದಾದೀನಾಂ ತು ಯೇ ವರ್ಣಾಃ

ಕಪಿಲಾದ್ಯಾಃ ಪ್ರ ಕೀರ್ತಿ ತಾಃ |

ತ ಏವ ವರ್ಣಾ ವಿಖ್ಯಾತಾ

ಭೂತ್ಯಾದೀನಾಂ ಯಥಾಕ್ರಮಮ್ |7-12

#ಭಸ್ಮೋತ್ಪಾದನಮ್ ಉದ್ದಿಷ್ಟಮ್

ಚತುರ್ಧಾ ತಂತ್ರ ವೇದಿಭಿಃ |

ಕಲ್ಪಂಚೈವಾನು ಕಲ್ಪಂ ತು-

ಉಪಕಲ್ಪ ಮ ಕಲ್ಪಕಮ್ || 7-13

ಏಷಾಮಾದಿಮಮ್ ಉತ್ಕೃಷ್ಟಮ್

ಅನ್ಯತ್ ಸರ್ವಮ ಭಾ ವತಃ |

ಯಥಾ ಶಾಸ್ತ್ರೋಕ್ತ ವಿಧಿನಾ

ಗೃಹೀತ್ವಾ ಗೋಮಯಂ ನವಮ್ |14

#ಸದ್ಯೇನ ವಾಮದೇವೇನ

ಕುರ್ಯಾತ್ಪಿಂಡ ಮನುತ್ತಮಮ್ |

ಶೋಷಯೇತ್ ಪುರುಷೇಣೈವ

ದಹೇದ್ ಘೋರಾಚ್ಛಿವಾಗ್ನಿನಾ |

ತತ ಈಶಾನ ಮಂತ್ರೇಣ

ಬಿಲ್ವಪಾತ್ರೇ ನಿಧಾ-ಪ-ಯೇತ್ | 7-15

ಕಲ್ಪಂ ತದ್ಭಸ್ಮ ವಿಜ್ಞೇಯಮ್

ಅನುಕಲ್ಪ ಮಥೋಚ್ಯತೇ || 7-16

#ವನೇಷು ಗೋಮಯಂ ಯಚ್ಚ

ಶುಷ್ಕಂ ಚೂರ್ಣಿಕೃತಂ ತಥಾ |

ದಗ್ಧಂ ಚೈ ವಾನು ಕಲ್ಪಾಖ್ಯಮ್

ಆಪಣಾದಿಗತಂ ತು ಯತ್ || 7-17

ವಸ್ತ್ರೇಣೋತ್ತಾರಿತಂ ಭಸ್ಮ

ಗೋ ಮೂತ್ರಾ ಬದ್ಧಪಿಂಡಿತಮ್ |

ದಗ್ಧಂ ಪ್ರಾಗುಕ್ತ ವಿಧಿನಾ

ಭವೇದ್ಭಸ್ಮೋಪ ಕಲ್ಪಕಮ್ || 7-18

#ಅನ್ಯೈರ್ ಆಪಾದಿತಂ ಭಸ್ಮ

ಅಕಲ್ಪಮಿತಿ ನಿಶ್ಚಿತಮ್ |

ಏಷ್ವೇ ಕತಮ ಮಾದಾಯ

ಪಾತ್ರೇಷು ಕಲಶಾದಿಷು || 7-19

ತ್ರಿಸಂಧ್ಯಮ್ ಆಚರೇತ್ ಸ್ನಾನಮ್

ಯಥಾಸಂಭವಮೇವ ವಾ |

ಸ್ನಾನಕಾಲೇ ಕರೌ ಪಾದೌ

ಪ್ರಕ್ಷಾಲ್ಯ ವಿಮಲಾಂಭಸಾ || 7-20

#ವಾಮ ಹಸ್ತ ತಲೇ-ಭಸ್ಮ

ಕ್ಷಿಪ್ತ್ವಾಚ್ಛಾ ದ್ಯಾನ್ಯ ಪಾಣಿನಾ |

ಅಷ್ಟ ಕೃತ್ವಾಥ ಮೂಲೇನ

ಮೌನೀ ಭಸ್ಮಾಭಿಮಂತ್ರ್ಯ ಚ || 7-21

ಶಿರ ಈಶಾನ ಮಂತ್ರೇಣ

ಪುರುಷೇಣ ಮುಖಂ ತಥಾ |

ಹೃತ್ಪ್ರದೇಶ-ಮಘೋರೇಣ

ವಾಮದೇವೇನ ಗುಹ್ಯಕಮ್ || 7-22

#ಪಾದೌ ಸದ್ಯೇನ ಸರ್ವಾಂಗಮ್

ಪ್ರಣವೇನೈವ ಸೇಚಯೇತ್ |

ಭಸ್ಮನಾ ವಿಹಿತಂ ಸ್ನಾನಮ್

ಇದಮ್ ಆಗ್ನೇಯ ಮುತ್ತಮಮ್ || 7-23

ಸ್ನಾನೇಷು ವಾರುಣಾದ್ಯೇಷು

ಮುಖ್ಯಮೇತನ್ ಮಲಾಪಹಮ್ |

ಭಸ್ಮಸ್ನಾನವತಾಂ ಪುಂಸಾಮ್

ಯಥಾಯೋಗಂ ದಿನೇ ದಿನೇ || 7-24

#ವಾರುಣಾದ್ಯೈರಲಂ ಸ್ನಾನೈಃ

ಬಾಹ್ಯದೋಷಾಪಹಾರಿಭಿಃ |

ಆಗ್ನೇಯಂ ಭಸ್ಮನಾ ಸ್ನಾನಮ್

ಯತಿ ಭಿಸ್ತು ವಿಧೀಯತೇ || 7-25

ಆದ್ರ ಸ್ನಾನಾತ್ ಪರಂ ಭಸ್ಮ

ಆರ್ದ್ರೆ ಜಂತು ವಧೋ ಧ್ರುವಮ್ |

ಆರ್ಧಂ ತು ಪ್ರಕೃತಿಂ ವಿದ್ಯಾತ್

ಪ್ರಕೃತಿಂ ಬಂಧನಂ ವಿದುಃ || 7-26

#ಪ್ರಕೃತೇಸ್ತು ಪ್ರಹಾಣಾರ್ಥಮ್

ಭಸ್ಮನಾ ಸ್ನಾನ ಮಿಷ್ಯತೇ |

ಬ್ರಹ್ಮಾದ್ಯಾ ವಿಬುಧಾಃ ಸರ್ವೆ

ಮುನಯೋ ನಾರದಾ ದಯಃ || 7-27

ಯೋಗಿನಃ ಸನಕಾದ್ಯಾಶ್ಚ

ಬಾಣಾದ್ಯಾ ದಾನವಾ ಅಪಿ|

ಭಸ್ಮ ಸ್ನಾನ ಯುತಾಃ ಸರ್ವೆ |

ಶಿವಭಕ್ತಿ ಪರಾಯಣಾಃ |

ನಿರ್ಮುಕ್ತ ದೋಷ ಕಲಿಲಾಃ

ನಿತ್ಯಶುದ್ಧಾ ಭವಂತಿ ಹಿ || 7-28

#ನಮಶ್ಶಿವಾಯೇತಿ ಭಸ್ಮ

ಕೃತ್ವಾ ಸಪ್ತಾ-ಭಿ ಮಂತ್ರಿತಮ್ |

ಉದ್ಧೂಲಯೇತ್ ತೇನ ದೇಹಮ್

ತ್ರಿಪುಂಡ್ರಂ ಚಾಪಿ ಧಾರಯೇತ್ || 7-29

ಸರ್ವಾಂಗೋದ್ಧೂಲನಂ ಚಾಪಿ

ನ ಸಮಾನಂ ತ್ರಿಪುಂಡ್ರಕೈಃ |

ತಸ್ಮಾತ್ ತ್ರಿಪುಂಡ್ರ-ಮೇ-ವೈಕಮ್

ಲಿಖೇದುದ್ಧೂಲನಂ ವಿನಾ || 7-30

#ತ್ರಿಪುಂಡ್ರಂ ಧಾರಯೇನ್ನಿತ್ಯಮ್

ಭಸ್ಮನಾ ಸಜಲೇನ ಚ |

ಸ್ಥಾನೇಷು ಪಂಚ ದಶಸು

ಶರೀರೇ ಸಾಧಕೋತ್ತಮಃ || 7-31

ಉತ್ತಮಾಂಗೇ ಲಲಾಟೇ ಚ

ಶ್ರವಣ ದ್ವಿತಯೇ ತಥಾ|

ಗಲೇ ಭುಜ ದ್ವಯೇಚೈವ

ಹೃದಿ ನಾಭೌ ಚ ಪೃಷ್ಠಕೇ|| 7-32

#ಬಾಹುಯುಗ್ಮೇ ಕಕುದ್ದೇಶೇ

ಮಣಿಬಂಧದ್ವಯೇ ತಥಾ |

ತ್ರಿಪುಂಡ್ರಂ ಭಸ್ಮನಾ ಧಾರ್ಯಮ್

ಮೂಲಮಂತ್ರೇಣ ಸಾಧಕೈಃ || 7-33

ವಾಮ ಹಸ್ತ ತಲೇ ಭಸ್ಮ

ಕ್ಷಿಪ್ತ್ವಾಚ್ಛಾದ್ಯಾನ್ಯ ಪಾಣಿನಾ |

ಅಗ್ನಿರಿತ್ಯಾ-ದಿ ಮಂತ್ರೇಣ

ಸ್ಪೃಶನ್ ವಾರಾ-ಭಿಮಂತ್ರ್ಯ ಚ || 7-34

#ತ್ರಿಪುಂಡ್ರ ಮುಕ್ತ ಸ್ಥಾನೇಷು

ದಧ್ಯಾತ್ ಸಜಲ ಭಸ್ಮನಾ |

ಶಿವಂ ಶಿವಂಕರಂ ಶಾಂತಮ್

ಸ ಪ್ರಾಪ್ನೋತಿ ನ ಸಂಶಯಃ || 7-35

ಮಧ್ಯಾಂಗುಲಿ ತ್ರಯೇಣೈವ

ಸ್ವ ದಕ್ಷಿಣ ಕರಸ್ಯ ತು |

ಷಡಂಗು ಲಾಯತಂ ಮಾನಮ್

ಅಪಿ ವಾಲಿಕ ಮಾನಕಮ್ || 7-36

#ನೇತ್ರಯುಗ್ಮ ಪ್ರಮಾಣೇನ

ಫಾಲೇ ದಧ್ಯಾತ್ ತ್ರಿಪುಂಡ್ರಕಮ್ |

ಮಧ್ಯಮಾನಾಮಿಕಾಂಗುಷ್ಠೈಃ

ಅನುಲೋಮ ವಿಲೋಮತಃ || 7-37

#ಧಾರಯೇದ್ಯಸ್ತ್ರಿ ಪುಂಡ್ರಾಂಕಮ್

ಸ ರುದ್ರೋ ನಾತ್ರ ಸಂಶಯಃ || 7-38

ಋಜು ಶ್ವೇತ ಮನುವ್ಯಾಪ್ತಮ್

ಸ್ನಿಗ್ಧಂ ಶ್ರೋತ್ರ ಪ್ರಮಾಣಕಮ್ |

ಏವಂ ಸಲಕ್ಷಣೋ ಪೇತಮ್

ತ್ರಿಪುಂಡ್ರಂ ಸರ್ವಸಿದ್ಧಿದಮ್ || 7-39

#ಪ್ರಾತಃಕಾಲೇ ಚ ಮಧ್ಯಾಹ್ನೇ

ಸಾಯಾ ಹ್ನೇ ಚ ತ್ರಿಪುಂಡ್ರಕಮ್ |

ಕದಾಚಿದ್ಭಸ್ಮ ನಾ ಕುರ್ಯಾತ್

ಸ ರುದ್ರೋ ನಾತ್ರ ಸಂಶಯಃ || 7-40

ಏವಂವಿಧಂ ವಿಭೂತ್ಯಾ ಚ

ಕುರುತೇ ಯಸ್ ತ್ರಿಪುಂಡ್ರಕಮ್ |

ಸ ರೌದ್ರ ಧರ್ಮ ಸಂಯುಕ್ತಃ

ತ್ರಯೀಮಯ ಇತಿ ಶ್ರುತಿಃ || 7-41

#ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ

ದೇವಾಃ ಶಕ್ರಪುರೋಗಮಾಃ |

ತ್ರಿಪುಂಡ್ರಂ ಧಾರಯಂತ್ಯೇವ

ಭಸ್ಮನಾ ಪರಿಕಲ್ಪಿತಮ್ || 7-42

ವಸಿಷ್ಠಾದ್ಯಾ ಮಹಾಭಾಗಾಃ

ಮುನಯಃ ಶ್ರುತಿಕೋವಿದಾಃ |

ಧಾರಯಂತಿ ಸದಾಕಾಲಮ್

ತ್ರಿಪುಂಡ್ರಂ ಭಸ್ಮನಾ ಕೃತಮ್ || 7-43

#ಶೈವಾಗಮೇಷು ವೇದೇಷು

ಪುರಾಣೇಷ್ವ ಅಖಿಲೇಷು ಚ |

ಸ್ಮೃತೀತಿಹಾಸ ಕಲ್ಪೇಷು

ವಿಹಿತಂ ಭಸ್ಮಪುಂಡ್ರಕಮ್|

ಧಾರಣೀಯಂ ಸಮಸ್ತಾನಾಮ್

ಶೈವಾನಾಂ ಚ ವಿಶೇಷತಃ || 7-44

ನಾಸ್ತಿಕೋ ಭಿನ್ನಮರ್ಯಾದೋ

ದುರಾಚಾರ ಪರಾಯಣಃ |

ಭಸ್ಮ ತ್ರಿಪುಂಡ್ರಧಾರೀ ಚೇತ್

ಮುಚ್ಯತೇ ಸರ್ವಕಿಲ್ಬಿಷೈಃ || 7-45

ಇತಿ ಭಸ್ಮಧಾರಣಸ್ಥಲಂ

ಅಥ ರುದ್ರಾಕ್ಷಧಾರಣಸ್ಥಲಮ್

ಭಸ್ಮನಾ ವಿಹಿತಸ್ನಾನಃ

ತ್ರಿಪುಂಡ್ರಾಂಕಿತಮಸ್ತಕಃ |

ಶಿವಾರ್ಚನಪರೋ ನಿತ್ಯಮ್

ರುದ್ರಾಕ್ಷಮಪಿ ಧಾರಯೇತ್ || 7-46

#ರುದ್ರಾಕ್ಷ ಧಾರಣಾ ದೇವ

ಮುಚ್ಯಂತೇ ಸರ್ವಪಾತಕೈಃ |

ದುಷ್ಟ ಚಿತ್ತಾ ದುರಾಚಾರಾ

ದುಷ್ಪ್ರಜ್ಞಾ ಅಪಿ ಮಾನವಾಃ || 7-47

ಪುರಾ ತ್ರಿಪುರಸಂಹಾರೇ

ತ್ರಿನೇತ್ರೋ ಜಗತಾಂ ಪತಿಃ |

ಉದಪಶ್ಯತ್ ಪುರಾಂ ಯೋಗಮ್

ಉನ್ಮೀಲಿತವಿಲೋಚನಃ || 7-48

#ನಿಪೇತುಸ್ತಸ್ಯ ನೇತ್ರೇಭ್ಯೋ

ಬಹವೋ ಜಲಬಿಂದವಃ |

ತೇಭ್ಯೋ ಜಾತಾ ಹಿ ರುದ್ರಾಕ್ಷಾಃ

ರುದ್ರಾಕ್ಷಾ ಇತಿ ಕೀರ್ತಿತಾಃ || 7-49

ರುದ್ರನೇತ್ರಸಮುತ್ಪನ್ನಾ

ರುದ್ರಾಕ್ಷಾ ಲೋಕ ಪಾವನಾಃ |

ಅಷ್ಟತ್ರಿಂಶತ್ ಪ್ರಭೇದೇನ

ಭವಂತ್ಯುತ್ಪತ್ತಿ ಭೇದತಃ || 7-50

#ನೇತ್ರಾತ್ ಸೂರ್ಯಾತ್ಮನಃ ಶಂಭೋಃ

ಕಪಿಲಾ ದ್ವಾದಶೋದಿತಾಃ |

ಶ್ವೇತಾಃ ಷೋಡಶ ಸಂಜಾತಾಃ

ಸೋಮ ರೂಪಾದ್ವಿಲೋಚನಾತ್ || 7-51

ಕೃಷ್ಣಾ ದಶ ವಿಧಾ ಜಾತಾ

ವಹ್ನಿರೂಪಾದ್ವಿಲೋಚನಾತ್ |

ಏವಮುತ್ಪತ್ತಿ ಭೇದೇನ

ರುದ್ರಾಕ್ಷಾ ಬಹುಧಾ ಸ್ಮೃತಾಃ || 7-52

#ಅಚ್ಛಿದ್ರಂ ಕನಕಪ್ರಖ್ಯಮ್

ಅನನ್ಯ ಧೃತಮುತ್ತಮಮ್ |

ರುದ್ರಾಕ್ಷಂ ಧಾರಯೇತ್ ಪ್ರಾಜ್ಞಃ

ಶಿವಪೂಜಾ ಪರಾಯಣಃ || 7-53

ಯಥಾಸ್ಥಾನಂ ಯಥಾವಕ್ತ್ರಮ್

ಯಥಾಯೋಗಂ ಯಥಾವಿಧಿ |

ರುದ್ರಾಕ್ಷಧಾರಣಂ ವಕ್ಷ್ಯೇ

ರುದ್ರಸಾಯುಜ್ಯಸಿದ್ಧಯೇ || 7-54

#ಶಿಖಾಯಾಮೇಕ ಮೇಕಾಸ್ಯಮ್

ರುದ್ರಾಕ್ಷಂ ಧಾರಯೇದ್ ಬುಧಃ |

ದ್ವಿತ್ರಿದ್ವಾ ದಶವಕ್ತ್ರಾಣಿ

ಶಿರಸಿ ತ್ರೀಣಿ ಧಾರಯೇತ್ || 7-55

ಷಟ್ತ್ರಿಂಶ ದ್ಧಾರಯೇನ್ಮೂರ್ಧ್ನಿ

ನಿತ್ಯಮೇಕಾ ದಶಾನನಾನ್ |

ದಶಸಪ್ತ ಪಂಚವಕ್ತ್ರಾನ್

ಷಟ್ ಷಟ್ಕರ್ಣದ್ವಯೇ ವಹೇತ್ || 7-56

#ಷಡಷ್ಟವದನಾನ್ ಕಂಠೇ

ದ್ವಾತ್ರಿಂಶದ್ಧಾರಯೇತ್ ಸದಾ |

ಪಂಚಾಶದ್ಧಾರಯೇದ್ ವಿದ್ವಾನ್

ಚತುರ್ವಕ್ತ್ರಾಣಿ ವಕ್ಷಸಿ || 7-57

ತ್ರಯೋದಶಮುಖಾನ್ ಬಾಹ್ವೋಃ

ಧರೇತ್ ಷೋಡಶ ಷೋಡಶ |

ಪ್ರತ್ಯೇಕಂ ದ್ವಾದಶ ವಹೇತ್

ನವಾಸ್ಯಾನ್ ಮಣಿಬಂಧಯೋಃ || 7-58

#ಚತುರ್ದಶಮುಖಂ ಯಜ್ಞ-

ಸೂತ್ರಮಷ್ಟೋತ್ತರಂ ಶತಮ್ |

ಧಾರಯೇತ್ ಸರ್ವಕಾಲಂ ತು

ರುದ್ರಾಕ್ಷಂ ಶಿವಪೂಜಕಃ || 7-59

ಏವಂ ರುದ್ರಾಕ್ಷಧಾರೀ ಯಃ

ಸರ್ವಕಾಲೇ ತು ವರ್ತತೇ |

ತಸ್ಯ ಪಾಪಕಥಾ ನಾಸ್ತಿ

ಮೂಢಸ್ಯಾಪಿ ನ ಸಂಶಯಃ || 7-60

#ಬ್ರಹ್ಮಹಾ ಮದ್ಯಪಾಯೀ ಚ |

ಸ್ವರ್ಣಹೃದ್ ಗುರುತಲ್ಪ ಗಃ|

ಮಾತೃಹಾ ಪಿತೃಹಾ ಚೈವ |

ಭ್ರೂಣಹಾ ಕೃತಘಾತಕಃ |

ರುದ್ರಾಕ್ಷಧಾರಣಾದೇವ |

ಮುಚ್ಯತೇ ಸರ್ವಪಾತಕೈಃ || 7-61

ದರ್ಶನಾತ್ ಸ್ಪರ್ಶನಾಚ್ಚೈವ

ಸ್ಮರಣಾದಪಿ ಪೂಜನಾತ್ |

ರುದ್ರಾಕ್ಷ ಧಾರಣಾ ಲ್ಲೋಕೇ

ಮುಚ್ಯಂತೇ ಪಾತಕೈರ್ಜನಾಃ || 7-62

#ಗವಾಂ ಕೋಟಿಪ್ರದಾನಸ್ಯ |

ಬ್ರಾಹ್ಮಣೋ ವಾಂತ್ಯಜೋ ವಾಪಿ

ಮೂರ್ಖೊ ವಾ ಪಂಡಿತೋಪಿ ವಾ |

ರುದ್ರಾಕ್ಷಧಾರಣಾದೇವ

ಮುಚ್ಯತೇ ಸರ್ವಪಾತಕೈಃ || 7-63

ಗವಾಂ ಕೋಟಿಪ್ರದಾನಸ್ಯ |

ಯತ್ಫಲಂ ಭುವಿ ಲಭ್ಯತೇ |

ತತ್ಫಲಂ ಲಭತೇ ಮರ್ತ್ಯೊ:

ನಿತ್ಯಂ ರುದ್ರಾಕ್ಷಧಾರಣಾತ್ || 7-64

#ಮೃತ್ಯುಕಾಲೇ ತು ರುದ್ರಾಕ್ಷಮ್

ನಿಷ್ಪೀಡ್ಯ ಸಹ ವಾರಿಣಾ|

ಯಃ ಪಿಬೇಚ್ಚಿಂತಯನ್ ರುದ್ರಮ್|

ರುದ್ರಲೋಕಂ ಸ ಗಚ್ಛತಿ || 7-65

ಭಸ್ಮೋದ್ಧೂಲಿತಸರ್ವಾಂಗಾಃ

ಧೃತರುದ್ರಾಕ್ಷಮಾಲಿಕಾಃ |

ಯೇ ಭವಂತಿ ಮಹಾತ್ಮಾನಃ

ತೇ ರುದ್ರಾ ನಾತ್ರ ಸಂಶಯಃ || 7-66

#ನಿತ್ಯಾನಿ ಕಾಮ್ಯಾನಿ ನಿಮಿತ್ತಜಾನಿ

ಕರ್ಮಾಣಿ ಸರ್ವಾಣಿ ಸದಾಪಿ ಕುರ್ವನ್|

ಯೋಭಸ್ಮರುದ್ರಾಕ್ಷಧರೋ ಯದಿ ಸ್ಯಾದ್|

ದ್ವಿಜೋ ನ ತಸ್ಯಾಸ್ತಿ ಫಲೋಪಪತ್ತಿಃ || 7-67

ಸರ್ವೆಷು ವರ್ಣಾಶ್ರಮ ಸಂಗತೇಷು

ನಿತ್ಯಂ ಸದಾಚಾರಪರಾಯಣೇಷು |

ಶ್ರುತಿಸ್ಮೃತಿಭ್ಯಾಮಿಹ ಚೋದ್ಯಮಾನೋ

ವಿಭೂತಿರುದ್ರಾಕ್ಷಧರಃ ಸಮಾನಃ||7-68

ಓಂ ತತ್ಸತ್ ಇತಿ

ಶ್ರೀ ಶಿವಗೀತೇಷು ಸಿದ್ಧಾಂತಾಗಮೇಷು

ಶಿವಾದ್ವೈತ ವಿದ್ಯಾಯಾಂ ಶಿವಯೋಗಶಾಸ್ತ್ರೇ

ಶ್ರೀ ರೇಣುಕಾಗಸ್ತ್ಯಸಂವಾದೇ ವೀರಶೈವ ಧರ್ಮನಿರ್ಣಯೇ

ಶಿವಯೋಗಿ ಶಿವಾಚಾರ್ಯ ವಿರಚಿತೇ ಶ್ರೀ ಸಿದ್ಧಾಂತಶಿಖಾಮಣೌ

ಭಕ್ತ ಸ್ಥಲೇ ಭಸ್ಮ ರುದ್ರಾಕ್ಷ ಧಾರಣ ಸ್ಥಲ ಪ್ರಸಂಗೋ ನಾಮ

ಸಪ್ತಮಃ ಪರಿಚ್ಛೇದಃ ||