ಚತುರ್ಥಃ ಪರಿಚ್ಛೇದಃ

ರೇಣುಕಾಗಸ್ತ್ಯ-ದರ್ಶನ ಪ್ರಸಂಗಃ

ರೇಣುಕ ಭೂಲೋಕಾ-ವ-ತರಣಮ್ (13 ಶ್ಲೋಕಗಳು)

ಅಥ ತ್ರಿಲಿಂಗವಿಷಯೇ

ಕೊಲ್ಲಿಪಾಕ್ಯಭಿಧೇ ಪುರೇ |

ಸೋಮೇಶ್ವರ ಮಹಾಲಿಂಗಾತ್

ಪ್ರಾದುರಾ ಸೀತ್-ಸ ರೇಣುಕಃ ||4-1

ಪ್ರಾದುರ್ ಭೂತಂ ತಮಾಲೋಕ್ಯ

ಶಿವಲಿಂಗಾತ್ ತ್ತ್ರಿಲಿಂಗಜಾಃ |

ವಿಸ್ಮಿತಾಃ ಪ್ರಾಣಿನಃ ಸರ್ವೆ

ಬಭೂ-ವು-ರತಿ ತೇಜಸಮ್ || 4-2

ಭಸ್ಮೋದ್ಧೂಲಿತ ಸರ್ವಾಂಗಮ್|

ಸಾರ ರುದ್ರಾಕ್ಷ ಭೂಷಣಮ್ |

ಲಿಂಗಧಾರಣ ಸಂಯುಕ್ತಮ್|

ಲಿಂಗಪೂಜಾ ಪರಾಯಣಮ್ |

ಜಟಾ ಮುಕುಟ ಸಂಯುಕ್ತಮ್

ತ್ರಿಪುಂಡ್ರಾಂಕಿತ ಮಸ್ತಕಮ್ || 4-3

ಕಟೀ ತಟೀ ಪಟೀ ಭೂತ-|

ಕಂಥಾ ಪಟಲ ಬಂಧುರಮ್ |

ದಧಾನಂ ಯೋಗದಂಡಂ ಚ|

ಭಸ್ಮಾ ಧಾರಂ ಕಮಂಡಲುಮ್ || 4-4

ಶಿವಾದ್ವೈತ ಪರಿಜ್ಞಾನ –

ಪರಮಾನಂದ ಮೋದಿತಮ್ |

ನಿರ್ಧೂತ ಸರ್ವ ಸಂಸಾರ-

ವಾಸನಾ ದೋಷ ಪಂಜರಮ್ || 4-5

ಶಿವಾಗಮ ಸುಧಾಸಿಂಧು-

ಸಮುನ್ಮೇಷ ಸುಧಾಕರಮ್ |

ಚಿತ್ತಾರವಿಂದ ಸಂಗೂಢ-

ಶಿವಪಾದಾಂಬುಜ ದ್ವಯಮ್ || 4-6

ಯಮಾದಿ ಯೋಗ ತಂತ್ರಜ್ಞಮ್

ಸ್ವತಂತ್ರಂ ಸರ್ವಕರ್ಮಸು |

ಸಮಸ್ತ ಸಿದ್ಧ ಸಂತಾನ-

ಸಮುದಾಯ ಶಿಖಾಮಣಿಮ್ || 4-7

ವೀರ ಸಿದ್ಧಾಂತ ನಿರ್ವಾಹ-

ಕೃತಪಟ್ಟ ನಿಬಂಧನಮ್ |

ಆಲೋಕ ಮಾತ್ರ ನಿರ್ಭಿನ್ನ-

ಸಮಸ್ತ ಪ್ರಾಣಿ ಪಾತಕಮ್ || 4-8

ತಮ ಪೃಚ್ಛನ್ ಜನಾಃ ಸರ್ವೆ

ನಮಂತಃ ಕೋ ಭವಾನಿತಿ |

ಇತಿ ಪೃಷ್ಟೋ ಮಹಾಯೋಗೀ

ಜನೈರ್ ವಿಸ್ಮಿತ ಮಾನಸೈಃ || 4-9

ಪ್ರತ್ಯುವಾಚ ಶಿವಾದ್ವೈತ-

ಮಹಾನಂದ ಪರಾಯಣಃ |

ಪಿನಾಕಿನಃ ಪಾಶ್ರ್ವವರ್ತಿ

ರೇಣುಕಾಖ್ಯೋ ಗಣೇಶ್ವರಃ || 4-10

ಶಿವಾ ದೇಶಾ-ನು-ಸಾರೇಣ

ಶಿವಲಿಂಗಾದಿ-ಹಾ-ಭವಮ್ |

ನಾಮ್ನಾ ರೇಣುಕ ಸಿದ್ಧೋಹಮ್

ಸಿದ್ಧ ಸಂತಾನ ನಾಯಕಃ || 4-11

ಸ್ವಚ್ಛಂದಚಾರೀ ಲೋಕೇಸ್ಮಿನ್

ಶಿವ ಸಿದ್ಧಾಂತ ಪಾಲಕಃ |

ಖಂಡಯನ್ ಜೈನ ಚಾರ್ವಾಕ-

ಬೌದ್ಧಾದೀನಾಂ ದುರಾಗ-ಮಾನ್ ||4-12

ಇತ್ಯುಕ್ತ್ವಾ ಪಶ್ಯ-ತಾಂ ತೇಷಾಮ್

ವಿಷಯ ಸ್ಥಿರ ಚಕ್ಷುಷಾಮ್ |

ಉತ್ಥಾಯ ವ್ಯೂಮ ಮಾರ್ಗೆಣ

ಮಲಯಾದ್ರಿ ಮುಪಾಗಮತ್ || 4-13

ಇತಿ ರೇಣುಕ ಭೂಲೋಕಾವತರಣಂ

ಮಲಯಾಚಲ ವರ್ಣನಂ

ನವಚಂದನ ಕಾಂತಾರ-

ಕಂದಲ-ನ್ಮಂದ ಮಾರುತಮ್ |

ಅಭಂಗುರ ಭುಜಂಗ ಸ್ತ್ರೀ-

ಸಂಗೀತ ರಸ ಸಂಕುಲಮ್||4-14

ಕರಿಪೋತ ಕರಾಕೃಷ್ಟ-

ಸ್ಫುರ ದೇಲಾತಿ ವಾಸಿತಮ್ |

ವರಾಹ ದಂಷ್ಟ್ರಿಕಾ ಧ್ವಸ್ತ-

ಮುಸ್ತಾ ಸುರಭಿ ಕಂದರಮ್|| 4-15

ಪಟೀರ ದಲ ಪರ್ಯಂಕ-

ಪ್ರಸುಪ್ತ ವ್ಯಾಧ ದಂಪತಿಮ್ |

ಮಾಧವೀ ಮಲ್ಲಿಕಾ ಜಾತಿ-

ಮಂಜರೀ ರೇಣು ರಂಜಿತಮ್ || 4-16

ಇತಿ ಮಲಯಾಚಲ ವರ್ಣನಂ

ಅಗಸ್ತ್ಯ ಮುನೇಃ ಆಶ್ರಮ ವರ್ಣನಮ್

(8 ಶ್ಲೋಕಗಳು)

ತತ್ರ ಕುತ್ರ ಚಿದಾಭೋಗ-

ಸರ್ವರ್ತು ಕುಸುಮದ್ರುಮೇ |

ಅಪಶ್ಯದಾಶ್ರಮಂ ದಿವ್ಯಮ್

ಅಗಸ್ತ್ಯಸ್ಯ ಮಹಾಮುನೇಃ || 4-17

ಮಂದಾರ ಚಂದನ ಪ್ರಾಯೈರ್

ಮಂಡಿತಂ ತರುಮಂಡಲೈಃ |

ಶಾಖಾ ಶಿಖರ ಸಂಲೀನ-

ತಾರಕಾ ಗಣ ಕೋರಕೈಃ || 4-18

ಮುನಿ ಕನ್ಯಾ ಕರಾನೀತ-

ಕಲಶಾಂಬು ವಿವರ್ಧಿತೈಃ |

ಆಲವಾಲ ಜಲಾ ಸ್ವಾದ-

ಮೋದಮಾನ ಮೃಗೀ ಗಣೈಃ || 4-19

ಹೇಮಾರವಿಂದ ನಿಷ್ಯಂದ-

ಮಕರಂದ ಸುಗಂಧಿಭಿಃ |

ಮರಾ ಲಾಲಾಪ ವಾಚಾಲು-

ವೀಚಿ ಮಾಲಾ ಮನೋಹರೈಃ || 4-20

ಇಂದೀ ವರವರ ಜ್ಯೋತಿ-

ರಂಧೀಕೃತ ಹರಿನ್ಮುಖೈಃ |

ಲೋಪಾ ಮುದ್ರಾ ಪದನ್ಯಾಸ-

ಚರಿತಾರ್ಥ ತಟಾಂಕಿತೈಃ || 4-21

ಹಾರ ನೀಹಾರ ಕರ್ಪೂರ-

ಹರಹಾಸಾ ಮಲೋದಕೈಃ |

ನಿತ್ಯ ನೈಮಿತ್ತಿಕ ಸ್ನಾನ-

ನಿಯಮಾರ್ಥೆಸ್ ತಪಸ್ವಿನಾಮ್ || 4-22

ಪ್ರಕೃಷ್ಟ ಮಣಿ ಸೋ-ಪಾನೈಃ

ಪರಿವೀತಂ ಸರೋವರೈಃ |

ವಿಮುಕ್ತ ಸತ್ತ್ವ ವೈರಸ್ಯಂ

ಬ್ರಹ್ಮಲೋಕ ಮಿವಾಪರಮ್ || 4-23

ಹೂಯ ಮಾನಾಜ್ಯ ಸಂತಾನ-

ಧೂಮಗಂಧಿ ಮಹಾಸ್ಥಲಮ್ |

ಶುಕ ಸಂಸತ್ ಸಮಾರಬ್ಧ

ಶ್ರುತಿ ಶಾಸ್ತ್ರೋಪ ಬೃಂಹಣಮ್ ||4-24

ಇತಿ ಅಗಸ್ತ್ಯಾಶ್ರಮವರ್ಣನಂ

ಅಗಸ್ತ್ಯ ಮುನಿವರ್ಣನಮ್

ತಸ್ಯ ಮಧ್ಯೇ ಸಮಾಸೀನಂ

ಮೂಲೇ ಚಂದನಭೂರುಹಃ |

ಸುಕುಮಾರದಲಚ್ಛಾಯಾ-

ದೂರಿತಾದಿತ್ಯ ತೇಜಸಃ || 4-25

ತಡಿತ್ಪಿಂಗ ಜಟಾಭಾರೈಃ

ತ್ರಿಪುಂಡ್ರಾಂಕಿತ ಮಸ್ತಕೈಃ |

ಭಸ್ಮೋದ್ಧೂಲಿತ ಸರ್ವಾಂಗೈಃ

ಸ್ಫುರದ್ ರಾದ್ರಾಕ್ಷ ಭೂಷಣೈಃ || 4-26

ನವವಲ್ಕಲ ವಾಸೋಭಿಃ

ನಾನಾ ನಿಯಮ ಧಾರಿಭಿಃ |

ಪರಿವೀತಂ ಮುನಿಗಣೈಃ

ಪ್ರಮಥೈರಿವ ಶಂಕರಮ್ || 4-27

ಸಮುಜ್ವಲ ಜಟಾ ಜಾಲೈಃ

ತಪಃ ಪಾದಪ ಪಲ್ಲವೈಃ |

ಸ್ಫುರ-ತ್ ಸೌದಾಮಿನೀ ಕಲ್ಪೈಃ

ಜ್ವಾಲಾ ಜಾಲೈ ರಿ-ವಾನಲಮ್ || 4-28

ವಿಶುದ್ಧ ಭಸ್ಮ ಕೃತಯಾ

ತ್ರಿಪುಂಡ್ರಾಂಕಿತ ರೇಖಯಾ |

ತ್ರಿಸ್ರೋತ-ಸೇವ ಸಂಬದ್ಧ-

ಶಿಲಾಭಾಗಂ ಹಿಮಾಚಲಮ್ || 4-29

ಭಸ್ಮಾಲಂಕೃತ ಸರ್ವಾಂಗಮ್

ಶಶಾಂಕ-ಮಿವ ಭೂಗತಮ್ |

ವಸಾನಂ ವಲ್ಕಲಂ ನವ್ಯಮ್

ಬಾಲಾ ತಪ ಸಮ-ಪ್ರಭಮ್ || 4-30

ವಡವಾಗ್ನಿ ಶಿಖಾಜಾಲ-

ಸಮಾಲೀಢ ಮಿ ವಾರ್ಣವಮ್ |

ಸರ್ವಾಸಾಮಪಿ ವಿದ್ಯಾನಾಮ್

ಸಮುದಾಯ ನಿಕೇತನಮ್ || 4-31

ನ್ಯಕ್ಕೃತ ಪ್ರಾಕೃತಾ ಹಂತಮ್

ನಿರೂಢ ಶಿವ ಭಾವನಮ್ |

ತೃಣೀಕೃತ ಜಗಜ್ಜಾಲಮ್

ಸಿದ್ಧೀ ನಾಮುದ ಯ ಸ್ಥಲಮ್ || 4-32

ಮೋಹಾಂಧಕಾರ ತಪನಮ್

ಮೂಲಬೋಧ ಮಹೀರುಹಮ್ |

ದದರ್ಶ ಸ ಮಹಾಯೋಗೀ

ಮುನಿಂ ಕಲಶ ಸಂಭವಮ್ ||4-33

ಇತಿ ಅಗಸ್ತ್ಯಮುನಿವರ್ಣನಮ್

ಶ್ರೀ ರೇಣುಕ ಪೂಜನಮ್

ತಮಾಗತಂ ಮಹಾಸಿದ್ಧಮ್

ಸಮೀಕ್ಷ್ಯ ಕಲಶೋದ್ಭವಃ |

ಗಣೇಂದ್ರಂ ರೇಣುಕಾ ಭಿ ಖ್ಯಮ್

ವಿವೇದ ಜ್ಞಾನ ಚಕ್ಷುಷಾ |

ತಸ್ಯಾನು ಭಾವಂ ವಿಜ್ಞಾಯ

ಸಹಸೈವ ಸಮುತ್ಥಿತಃ || 4-34

ಸಂಪ್ರಣ ಮ್ಯ ಸಮಾನೀಯ

ಸ್ವಾಸನೇ ತಂ ನ್ಯ ವೇಶಯತ್ |

ಲೋಪಾ ಮುದ್ರಾ ಕರಾನೀತೈಃ

ಉದಕೈ ರತಿ ಪಾವನೈಃ |

ಪಾದೌ ಪ್ರಕ್ಷಾಲ ಯಾ ಮಾಸ

ಸ ತಸ್ಯ ಶಿವಯೋಗಿನಃ || 4-35

ಸಂಪೂಜ್ಯ ತಂ ಯಥಾ ಶಾಸ್ತ್ರಮ್

ತನ್ನಿಯೋಗ ಪುರಸ್ಸರಮ್ |

ಮುನಿರ್ ವಿನಯ ಸಂಪನ್ನೋ

ನಿಷ ಸಾದಾ ಸನಾಂತರೇ || 4-36

ಇತಿ ಶ್ರೀ ರೇಣುಕ ಪೂಜನಮ್

ಶ್ರೀ ರೇಣುಕಾಗಸ್ತ್ಯ ಸಂವಾದಃ

ಸಮಾಸೀನಂ ಮುನಿವರಮ್

ಸರ್ವತೇಜಸ್ವಿನಾಂ ವಿಭುಮ್ |

ಉವಾಚ ಶಾಂತಯಾ ವಾಚಾ

ರೇವಣಃ ಸಿದ್ಧಶೇಖರಃ || 4-37

ನಿರ್ವಿಘ್ನಂ ವರ್ತಸೇ ಕಿಂ ನು

ನಿತ್ಯಾ ತೇ ನಿಯಮ ಕ್ರಿಯಾ |

ಅಥ ವಾಗಸ್ತ್ಯ ತೇಜಸ್ವಿನ್

ಕುತಃ ಸ್ಯುಸ್ತೇಂತ ರಾ ಯಕಾಃ || 4-38

ವಿಂಧ್ಯೋ ನಿರುದ್ಧೋ ಭವತಾ

ವಿಶ್ವೋಲ್ಲಂಘನವಿಭ್ರಮಃ |

ನಹುಷೋ ರೋಷಲೇಶಾತ್ ತೇ

ಸದ್ಯಃ ಸರ್ಪತ್ವ ಮಾಗತಃ || 4-39

ಆ-ಚಾಂತೇ ಭವತಾ ಪೂರ್ವಮ್

ಪಂಕಶೇಷಾಃ ಪಯೋಧಯಃ |

ಜೀರ್ಣಾಸ್ತೇ ಜಾಠರೇ ವಹ್ನೌ

ದೃಪ್ತೋ ವಾತಾಪಿದಾನವಃ || 4-40

ಏವಂವಿಧಾನಾಂ ಚಿತ್ರಾಣಾಮ್

ಸರ್ವ ಲೋಕಾತಿ ಶಾಯಿನಾಮ್ |

ಕೃತ್ಯಾನಾಂ ತು ಭವಾನ್ ಕರ್ತಾ

ಕಸ್ತೇಗಸ್ತ್ಯ ಸಮಪ್ರಭಃ || 4-41

ಶಿವಾದ್ವೈತ ಪರಾನಂದ-

ಪ್ರಕಾಶನ ಪರಾಯಣಮ್ |

ಭವಂತಮೇಕಂ ಶಂಸಂತಿ

ಪ್ರಕೃತ್ಯಾ ಸಂಗ ವರ್ಜಿತಮ್ || 4-42

ಪುರಾ ಹೈಮವತೀಸೂನುಃ

ಅವದತ್ ತೇ ಷಡಾನನಃ |

ಶಿವಧರ್ಮೊತ್ತರಂ ನಾಮ

ಶಾಸ್ತ್ರಮೀಶ್ವರಭಾಷಿತಮ್ || 4-43

ಭಕ್ತಿಃ ಶೈವೀ ಮಹಾಘೋರ-

ಸಂಸಾರಭಯಹಾರಿಣೀ |

ತ್ವಯಾ ರಾಜನ್ವತೀ ಲೋಕೇ

ಜಾತಾಗಸ್ತ್ಯ ಮಹಾಮುನೇ || 4-44

ಅಗಸ್ತ್ಯ ಮುನಿ ವಚನಮ್(10 ಶ್ಲೋಕಗಳು)

ಇತಿ ತಸ್ಯ ವಚಃ ಶ್ರುತ್ವಾ

ಸಿದ್ಧಸ್ಯ ಮುನಿಪುಂಗವಃ |

ಗಂಭೀರಗುಣಯಾ ವಾಚಾ

ಬಭಾಷೇ ಭಕ್ತಿಪೂರ್ವಕಮ್ || 4-45

ಅಹಮೇವ ಮುನೀಂದ್ರಾಣಾಮ್

ಲಾಲ ನೀ ಯೋಸ್ಮಿ ಸರ್ವದಾ |

ಭವದಾಗಮ ಸಂಪತ್ತಿಃ

ಮಾಂ ವಿನಾ ಕಸ್ಯ ಸಂಭವೇತ್ || 4-46

ಸ್ಥಿರಮದ್ಯ ಶಿವ ಜ್ಞಾನಮ್

ಸ್ಥಿರಾ ಮೇ ತಾಪ ಸಕ್ರಿಯಾ |

ಭವದ್ ದರ್ಶನ ಪುಣ್ಯೇನ

ಸ್ಥಿರಾ ಮೇ ಮುನಿ ರಾಜತಾ || 4-47

ಸಂಸಾರ ಸರ್ಪ ದಷ್ಟಾನಾಮ್

ಮೂರ್ಛಿತಾನಾಂ ಶರೀರಿಣಾಮ್ |

ಕಟಾಕ್ಷಸ್ತವ ಕಲ್ಯಾಣಮ್

ಸಮುಜ್ಜೀವನ ಭೇಷಜಮ್ || 4-48

ಸಮಸ್ತ ಲೋಕ ಸಂದಾಹ-

ತಾಪತ್ರಯ ಮಹಾ ನಲಃ |

ತ್ವತ್ಪದಾಂಬು ಕಣಾ ಸ್ವಾದಾತ್

ಉಪಶಾಮ್ಯತಿ ದೇಹಿನಾಮ್ || 4-49

ರೇಣುಕಂ ತ್ವಾಂ ವಿಜಾನಾಮಿ

ಗಣನಾಥಂ ಶಿವ ಪ್ರಿಯಮ್ |

ಅವತೀರ್ಣ ಮಿಮಾಂ ಭೂಮಿಮ್

ಮದನುಗ್ರಹ ಕಾಂಕ್ಷಯಾ || 4-50

ಭವಾದೃಶಾನಾಂ ಸಿದ್ಧಾನಾಮ್

ಪ್ರಬೋಧಧ್ವ ಸ್ತಜನ್ಮನಾಮ್ |

ಪ್ರವೃತ್ತಿರೀದೃಶೀ ಲೋಕೇ

ಪರಾನುಗ್ರಹ ಕಾರಿಣೀ || 4-51

ತ್ವನ್ಮುಖಾಚ್ಛ್ರೋತುಮಿಚ್ಛಾಮಿ

ಸಿದ್ಧಾಂತಂ ಶ್ರುತಿ ಸಂಮತಮ್ |

ಸರ್ವಜ್ಞ ವದ ಮೇ ಸಾಕ್ಷಾತ್

ಶೈವಂ ಸರ್ವಾರ್ಥ ಸಾಧಕಮ್||4-52

ಸದ್ಯಃ ಸಿದ್ಧಿಕರಂ ಪುಂಸಾಮ್

ಸರ್ವಯೋಗೀಂದ್ರ ಸೇವಿತಮ್ |

ದುರಾಚಾರೈ ರನಾ ಘ್ರಾತಮ್

ಸ್ವೀಕೃತಂ ವೇದವೇದಿಭಿಃ |

ಶಿವಾತ್ಮೈಕ್ಯ ಮಹಾಬೋಧ-

ಸಂಪ್ರದಾಯ ಪ್ರವರ್ತಕಮ್ || 4-53

ಉಕ್ತ್ವಾ ಭವಾನ್

ಸಕಲಲೋಕ ಮಹೋಪಕಾರಮ್

ಸಿದ್ಧಾಂತ ಸಂಗ್ರಹ ಮನಾದೃತ

ಬಾಹ್ಯ ತಂತ್ರಮ್ |

ಸದ್ಯಃ ಕೃತಾರ್ಥಯಿತು ಮರ್ಹತಿ ದಿವ್ಯಯೋಗಿನ್

ನಾನಾಗಮ ಶ್ರವಣ ವರ್ತಿತ

ಸಂಶಯಂ ಮಾಮ್ ||4-54

ಇತಿ ಅಗಸ್ತ್ಯಪ್ರಾರ್ಥನಾ ಪರಿಸಮಾಪ್ತಂ

ಓಂ ತತ್ಸತ್ ಇತಿ

ಶ್ರೀ ಶಿವಗೀತೇಷು ಸಿದ್ಧಾಂತಾಗಮೇಷು -

ಶಿವಾದ್ವೈತವಿದ್ಯಾಯಾಂ ಶಿವಯೋಗಶಾಸ್ತ್ರೇ,

ಶ್ರೀ ರೇಣುಕಾಗಸ್ತ್ಯ ಸಂವಾದೇ

ಶ್ರೀವೀರಶೈವಧರ್ಮ ನಿರ್ಣಯೇ,

ಶ್ರೀಶಿವಯೋಗಿ ಶಿವಾಚಾರ್ಯ ವಿರಚಿತೇ

ಶ್ರೀಸಿದ್ಧಾಂತ ಶಿಖಾಮಣೌ ಚತುರ್ಥ: ಪರಿಚ್ಛೇದಃ